Ауа райы
Астана -17 °С
Алматы -1 °С
валюта бағамы
USD 421.58
EUR 496.83
RUB 5.53
CNY 62.20

7 ай қорытындысында өнеркәсіп өндірісінің көлемі 1,3 пайызға  өсті

2020 жылдың 11 тамыз 2020 10:43

НҰР-СҰЛТАН. ҚазАқпарат - 2020 жылдың 7 айының қорытындысы бойынша өнеркәсіп өндірісінің көлемі 1,3 пайызға өсті. Бұл туралы Үкімет отырысында ҚР Индустрия және инфрақұрылымдық даму министрі Бейбіт Атамқұлов айтты, деп хабарлайды ҚазАқпарат тілшісі.

«Елімізде 2020 жылдың 7 айының қорытындысы бойынша өнеркәсіп өндірісінің көлемі 1,3 пайызға өсті. 12 өңір оң нәтиже көрсетті. Тау-кен өндіру секторында түсті кендерді өндіру 2,5 пайызға артты. Темір кен өндіру 0,9 пайызға өсті. Көмір өнімдерін тұтыну көлемінің артуына байланысты көмір өндіру көлемі 102,6 пайызды құрады. Көмір өндіруші компаниялар 2020 жылғы қаңтар-шілде айларында 62 млн тонна көмір өндірді. Бұл өткен жылдың сәйкес кезеңімен салыстырғанда 3 пайызға арттық», - деді министр.

Оның дерегінше, өңдеу өнеркәсібінде нақты көлем индексі түсті металлургия, фармацевтика, жеңіл өнеркәсіп, машина жасау, химия және басқа да салалар есебінен 3,8 пайызға өсті. Түсті металлургияда өндіріс көлемі тазартылған алтын өндіру көлемін 3, бастапқы алюминийді 1 пайызға және басқа да көрсеткіштердің өсуіне байланысты нақты көлем индексі 3,9 пайызға артты.

«Қара металлургияда нақты көлем индексі 98 пайызды құрады. Бұл көрсеткіш болаттың 8, рельстердің 10,6, болат құбырлардың 12 пайызға өндіріс көлемінің төмендеуіне байланысты болды. Химия өнеркәсібінде өндіріс көлемі 3,6 пайызға өсті. Бұл дезинфекциялық құралдар және минералды тыңайтқыштар өндіру көлемінің ұлғаюына байланысты.», - деді Бейбіт Атамқұлов.


Жоғары қарай