Ауа райы
Астана 22 °С
Алматы 23 °С
валюта бағамы
USD 412.55
EUR 465.73
RUB 5.79
CNY 58.91

4 мыңнан астам адам туристік жолдаманы қайтарып алмақшы - министрлік

2020 жылдың 16 наурыз 2020 19:52

НҰР-СҰЛТАН. ҚазАқпарат – Қазақстанда туристік ұйымдарға жолдаманы қайтару үшін 4 мыңнан астам адам жүгінген. Бұл туралы Мәдениет және спорт вице-министрі Өркен Бисақаев айтты, деп хабарлайды ҚазАқпарат тілшісі.

«Төтенше жағдай жарияланғанға дейін еліміздің азаматтары шетелге сапарлардан жаппай бас тарта бастады. Біздің мәліметтер бойынша туристік ұйымдарға жолдамаларды қайта тапсыру үшін 4 мыңнан астам адам жүгінген. Ол да туристік окмпанияларға қиын соғып жатыр. Одан бөлек жеке адамдардың да тап болған негізгі проблемалары – әуе компанияларының әуе билеттерін айыппұлсыз қайтаруы бойынша бас тартуы. Бұл мәселе азаматтық авиация саласындағы уәкілетті органмен талқыланды. Билеттер айпыпұлсыз толық көлемде қайтарылатыны туралы шешім қабылданды», - деді Өркен Бисақаев ОКҚ-да өткен онлайн-форматтағы баспасөз мәслихатында.

Оның айтуынша, туристік нарық өкілдері Үкімет атына мемлекеттік қолдау көрсету бойынша өтініштер түсіп жатқан көрінеді. Барлық өтініш тіркеліп, жан-жақты талданбақ.

«Біз әртүрлі нұсқаны қарастырудамыз. Жақын арада шешім жарияланады», - деді ол.


Жоғары қарай