Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

بالالاردىڭ جازعى دەمالىسىنا 4,4 ميلليارد تەڭگە جۇمسالادى

2021 жылдың 22 қазан 2021 19:43

نۇر-سۇلتان. قازاقپارات - بيىل جازعى دەمالىس كەزىندە ەلدەگى 1,8 ميلليوننان استام بالا ساۋىقتىرۋ لاگەرلەرىندە دەمالعان، دەپ حابارلايدى قازاقپارات ءتىلشىسى.

بۇل تۋرالى ق ر پرەمەر-ءمينيسترى اسقار مامين سەنات وكىلدەرىنىڭ دەپۋتاتتىق ساۋالىنا بەرگەن جاۋابىندا ايتتى.

«بالالاردىڭ ساۋىقتىرۋ دەمالىسىن قامتاماسىز ەتۋ ءۇشىن «2020-2023-جىلداردىڭ كانيكۋل كەزەڭىندە بالالاردىڭ ساۋىقتىرۋ دەمالىسىن، بوس ۋاقىتىن جانە جۇمىسپەن قامتىلۋىن ۇيىمداستىرۋ تۋرالى» قازاقستان رەسپۋبليكاسى پرەمەر-ءمينيسترىنىڭ 2020-جىلعى 14- قاڭتارداعى 1№ وكىمى قابىلداندى»، - دەپ جازىلعان ۇكىمەت باسشىسىنىڭ جاۋابىندا.

ونىڭ ايتۋىنشا، بيىل جازدا دەمالىسپەن جانە ساۋىقتىرۋمەن 1863228 بالا قامتىلعان. ونىڭ ىشىندە «بالداۋرەن» رەسپۋبليكالىق وقۋ-ساۋىقتىرۋ ورتالىعىندا جىل سايىن 15 مىڭنان استام وقۋشى دەمالىپ، وڭالتۋدان وتەدى.

«2021-2024-جىلدارعا ارنالعان رەسپۋبليكالىق بيۋجەتتە بالالاردى ساۋىقتىرۋ، وڭالتۋ جانە ولاردىڭ دەمالىسىن ۇيىمداستىرۋ ءۇشىن 4,4 ميلليارد تەڭگە قاراستىرىلعان. بالالاردىڭ دەمالىسىن، جۇمىسپەن قامتىلۋىن، ساۋىقتىرۋ جانە وڭالتۋ شارالارىمەن قامتاماسىز ەتۋ ماسەلەلەرى ۇكىمەتتىڭ تۇراقتى باقىلاۋىندا»، - دەپ تۇيىندەدى اسقار مامين.


Басты сөздер: بيلئك جانة ساياسات,
Жоғары қарай