Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

ەسىرتكى ساتۋشى 32,5 كەلى گاشيشتى قاراعاندىعا پويىزبەن جەتكىزبەك بولعان

2022 жылдың 21 қаңтар 2022 10:45

قاراعاندى. قازاقپارات - پوليتسەيلەر قاراعاندىعا گاشيشتىڭ ءىرى پارتياسىن اكەلمەك بولعان جامبىل وبلىسى شۋ اۋدانىنىڭ تۋماسىن ۇستاپ، ۋاقىتشا ۇستاۋ يزولياتورىنا قامادى، دەپ حابارلايدى قازاقپارات Polisia.kz-كە سىلتەمە جاساپ.

ءى ءى م ەسىرتكى قىلمىسىنا قارسى كۇرەس دەپارتامەنتىنىڭ باستىعى ەرلان وماربەكوۆ تۇسىندىرگەندەي، كۇدىكتى قىلمىس دايىندالعان ساتتەن باستاپ باقىلاۋعا الىنعان. ونىڭ قاراعاندىعا پويىزعا بيلەت ساتىپ العانى تۋرالى اقپارات تۇسكەن بويدا ۇستاۋ شارالارى قولعا الىندى.

ال تاڭعى ساعات 5:00 تە كۇدىكتىنى قالاعا كەلگەن بويدا وبلىستىق ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى قولعا ءتۇسىردى. ودان جول سومكەسى تاركىلەندى، ونىڭ ىشىندە 32,5 كەلىدەن استام گاشيش سالىنعان ءۇش پاكەت بولعان. ۆەدومستۆو تاركىلەنگەن گاشيشتىڭ اسا ءىرى مولشەردە ەكەنىن جانە ونىڭ مۇلكى تاركىلەنىپ، ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلاتىنىن اتاپ ءوتتى.


Басты сөздер: ايماق,
Жоғары қарай