Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

تارتىپسىزدىك كەزىندە قاماۋعا الىنعان 31 ادام اۋرۋحانادا ەمدەلىپ جاتىر – ءى ءى م

2022 жылдың 22 қаңтар 2022 19:00

نۇر- سۇلتان. قازاقپارات - قازاقستاندا بولعان جاپپاي تارتىپسىزدىك كەزىندە قاماۋعا الىنعان 31 ادام بۇگىندە اۋرۋحانادا ەم الىپ جاتىر.

بۇل تۋرالى ق ر ءى ءى م قىلمىستىق- اتقارۋ جۇيەسى كوميتەتى ءتوراعاسىنىڭ ورىنباسارى مەيرام ايۋبايەۆ ءمالىم ەتتى، دەپ حابارلايدى قازاقپارات ءتىلشىسى.

«قاڭتاردىڭ باسىندا بولعان جاپپاي تارتىپسىزدىك بارىسىندا پوليتسيا جانە اسكەري قىزمەتشىلەر ەلدە ءتارتىپتى ورناتۋ ءۇشىن اۋقىمدى وپەراتسيا جۇرگىزدى. قۇقىق قورعاۋ ورگاندارى تەرگەۋدى ءالى اياقتاعان جوق. قابىلدانعان شارالاردىڭ ناتيجەسىندە سوت شەشىمىمەن كۇدىكتى ادامدار قاماۋعا الىندى. اتالعان ادامدار تەرگەۋ يزولياتورىنا قابىلدانعان كەزدە مىندەتتى تۇردە مەديتسينالىق تەكسەرۋدەن ءوتىپ، پ ت ر تەستىنىڭ تەرىس ناتيجەسىمەن قابىلدانادى»، - دەدى مەيرام ايۋبايەۆ و ك ق- دە ونلاين وتكەن باسپا ءسوز ءماسليحاتىندا.

كوميتەت ءتوراعاسى ورىنباسارىنىڭ ايتۋىنشا، دەنە جاراقاتى نەمەسە قانداي دا ءبىر اۋرۋ انىقتالعان كەزدە ولارعا مىندەتتى تۇردە مەديتسينالىق كومەك كورسەتىلەدى. جانە ول تۋرالى پروكۋراتۋراعا حابارلانادى.

«مەكەمە ءتيىستى مەديتسينالىق كومەك كورسەتە الماعان جاعدايدا ولار ازاماتتىق اۋرۋحانالارعا جەتكىزىلەدى جانە ارنايى كۇزەتپەن ەمدەلەدى. بۇگىنگى تاڭدا وسىنداي 31 ادام بار، ونىڭ 29-ى الماتى قالاسىنىڭ اۋرۋحانالارىندا، ءبىر- بىرەۋدەن قىزىلوردا جانە اتىراۋ قالالىق اۋرۋحاناسىندا جاتىر. ولار دەنە جاراقاتىن تەرگەۋ يزولياتورىنا كەلگەنگە دەيىن الدى. ءبىز ولاردى قاماۋعا العاندا انىقتاپ تىركەدىك جانە پروكۋراتۋراعا حابارلادىق»، - دەيدى ول.

اۆتور: ءالي يبرايەۆ

Басты сөздер: بيلئك جانة ساياسات,
Жоғары қарай