Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

3 мың еріктіге қазақстандық QazCovid-in вакцинасы егілді

2021 жылдың 27 қаңтар 2021 17:49

НҰР-СҰЛТАН. ҚазАқпарат – Үш мың еріктіге отандық QazCovid-in вакцинасы егілді. Бұл туралы бүгін ОКҚ өткен баспасөз мәслихатында Денсаулық сақтау бірінші вице-министрі Марат Шоранов айтты, деп хабарлайды ҚазАқпарат тілшісі.

«11 қаңтар күні еріктілерді іріктеу аяқталып, 3000 адамға егілді. Қазіргі уақытта зерттеуге қатысушыларға динамикалық бақылау жүргізілуде. Вакцинациядан қорғаныс әсері бірінші дозаны енгізгеннен кейін 12 күннен кейін біліне бастайды, бірақ толық қорғауды қамтамасыз ету үшін екі доза қажет, оларды 19 күннен 23 күнге дейінгі аралықпен енгізу ұсынылады. Вакцина организмнің иммундық реакциясын тудырады», - деді Марат Шоранов ОКҚ-да өткен баспасөз мәслихатында.

Осыдан кейін иммундық жүйе вирусты танып, антиденелер пайда бола бастайды. Аурумен күресу үшін пайда болатын ақуыздар, вирусты есте сақтап, егер вирус қайтадан денеге енсе, онда иммундық жүйе дереу әрекет етіп, оны жояды. Оның көбеюіне және аурудың тудыруына жол бермейді.

Еске салсақ, ғалымдар қазақстандық QazCovid-in вакцинасын әзірлеу технологиясы туралы айтып берді.
Жоғары қарай