Ауа райы
Астана -25 °С
Алматы -5 °С
валюта бағамы
USD 387.37
EUR 428.55
RUB 6.06
CNY 55.06

25 жастағы режиссердің «Домбыра» фильмі халықаралық фестивальде үздік болды

2019 жылдың 22 қазан 2019 16:50

АЛМАТЫ. ҚазАқпарат– Қазақстандық жас режиссер Рамазан Халиолланың «Домбыра» фильмі Нью-Дели қаласында өткен 8-ші Халықаралық қысқаметражды фильмдер кинофестивалінде (Delhi Shorts International Film Festival) жүлделі болды, деп хабарлайды ҚазАқпарат тілшісі.

«Қазақфильм» АҚ-ның баспасөз қызметінен мәлім еткендей, картина «Үздік фильм» аталымында жеңімпаз атанды.

ҚР Мәдениет және спорт министрлігінің тапсырысы бойынша, Ш.Айманов атындағы «Қазақфильм» АҚ-ның «Дебют» шығармашылық-өндірістік бірлестігі түсірген кинофильм домбыраның құлағында ойнап, үлкен сахнада өнер көрсетуді армандаған Әсет есімді баланың өмірін баяндайды.

Айта кетсек, аталған туынды биыл Алматыда өткен «Baiqonyr ISFF» IV Халықаралық кинофестивалінің конкурстан тыс бағдарламасында көрсетіліп, «Бродвейдің таңдауы» сыйлығын алды.

Нью-Делидегі DSIFF халықаралық кинофестивалі алғаш рет 2012 жылы өткен болатын. Ұйымдастырушысы – Miniboxoffice үнді компаниясы. Биыл фестивальдің халықаралық қазылар алқасын испан режиссері Виктор Мануэль Лопесмуньос басқарды. Сонымен қатар, қазылар алқасы құрамында: продюсер Виктория Сил (Жапония), режиссер Ракел Руиз (Аргентина), режиссер Прашант Сегал (Үндістан) болды.

Рамазан Халиолла 1994 жылы 15 мамырда Қарағанды облысы, Балхаш қаласында дүниеге келген. 2012-2017 жылдар аралығында Нұрсұлтан қаласындағы Қазақ ұлттық өнер университетінде «Режиссер, кино және телеарна продюссері» мамандығы бойынша оқыған.



















Автор Алма Мұқанова
Басты сөздер: Аймақ, Мәдениет, Алматы,
Жоғары қарай