Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

ءاليحان سمايىلوۆ ۇكىمەتتىڭ 2022 -جىلعى ءىس- قيمىل باعدارلاماسىن ازىرلەۋ جونىندە كەڭەستەر وتكىزدى

2022 жылдың 27 қаңтар 2022 14:02

نۇر- سۇلتان. قازاقپارات – ق ر پرەمەر- ءمينيسترى ءاليحان سمايىلوۆ ۇكىمەتتىڭ 2022 -جىلعا ارنالعان ءىس- قيمىل باعدارلاماسىن ازىرلەۋ ماسەلەلەرى بويىنشا ءبىرقاتار كەڭەس وتكىزدى.

قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.





ساۋدا جانە ينتەگراتسيا مينيسترلىگى ۇسىنعان شارالار شيكىزاتتىق ەمەس ەكسپورتتى، ىشكى ساۋدانى قولداۋ ينفراقۇرىلىمىن دامىتۋعا، سونداي- اق الەۋمەتتىك ماڭىزى بار ازىق- تۇلىك ونىمدەرى باعاسىنىڭ ءوسۋىن بەلسەندى تۇردە تەجەۋگە باعىتتالعان. ءبىلىم جانە عىلىم مينيسترلىگى ۇسىنعان شارالار ەڭبەك نارىعىندا سۇرانىسقا يە كادرلاردى دايارلاۋ جۇيەسىن جەتىلدىرۋدى، مەكتەپكە دەيىنگى ءبىلىم بەرۋ جۇيەسىندە كورسەتىلەتىن قىزمەتتەردىڭ ساپاسىنا قويىلاتىن تالاپتاردى كۇشەيتۋدى، جۇمسالاتىن قاراجاتتىڭ تيىمدىلىگىن ارتتىرۋدى، وڭىرلەرگە ۇزدىك پەداگوگتەردى تارتۋدى، وقۋشىلارعا قاۋىپسىز جاعدايلار جاساۋدى، ەرەكشە قاجەتتىلىكتەرى بار بالالاردى كوررەكسيالىق قولداۋدى جانە قوسىمشا ءبىلىم الۋدى قولجەتىمدى ەتۋدى كوزدەيدى.





مادەنيەت جانە سپورت مينيسترلىگى مادەنيەت سالاسى قىزمەتكەرلەرىن الەۋمەتتىك قامتاماسىز ەتۋدى كۇشەيتۋ، سپورت سەكسيالارىنىڭ، سپورت نۇسقاۋشىلارىنىڭ سانىن ۇلعايتۋ، اۋەسقوي كلۋبتار جەلىسىن كەڭەيتۋ، سپورت عيماراتتارىن سالۋ جانە سپورتتىق- بۇقارالىق ءىس- شارالار وتكىزۋ، سپورتشىلار مەن جاتتىقتىرۋشىلاردىڭ الەۋمەتتىك جاعدايىن جاقسارتۋ جولىمەن بۇقارالىق سپورتتى، ءبىرىنشى كەزەكتە بالالار سپورتىن دامىتۋ جونىندەگى شارالاردى ۇسىندى.

تۋريزم سالاسىندا 192 ينۆەستيتسيالىق جوبادان تۇراتىن پۋلدى جۇزەگە اسىرۋ جوسپارلانىپ وتىر. اقپارات جانە قوعامدىق دامۋ مينيسترلىگى جاستاردىڭ ءبىلىم الۋى مەن جۇمىسقا ورنالاسۋ مۇمكىندىكتەرىن كەڭەيتۋ، ولاردى قولداۋ بويىنشا قارجىلىق جانە قارجىلىق ەمەس قۇرالداردى قولدانۋ، ازاماتتىق قوعامدى جاڭا قوعامدىق شارتتى قالىپتاستىرۋعا تارتۋ، مەملەكەتتىك ورگانداردىڭ حالىق پەن بيزنەستىڭ سۇرانىستارىن ەسكەرە وتىرىپ، وزەكتى دەرەكتەردى اشۋى تۋرالى شارالاردى ۇسىندى.





دەنساۋلىق ساقتاۋ مينيسترلىگى، ءبىرىنشى كەزەكتە، اۋىلدىق جەرلەردە حالىققا العاشقى مەديتسينالىق- سانيتارلىق كومەك كورسەتۋدى دامىتۋعا باسا كوڭىل بولەدى - اۋىلداردا 80 مەديتسينا نىسانىن اشۋ كوزدەلگەن، جىلجىمالى مەديتسينالىق كەشەندەر 3 ميلليوننان استام كونسۋلتاتيۆتىك- دياگنوستيكالىق قىزمەت كورسەتەدى. العاشقى مەديتسينالىق- سانيتارلىق كومەك كورسەتۋ ۇيىمدارىندا 70 گەرياتريالىق كابينەت اشۋ ارقىلى ەگدە جاستاعى ادامداردىڭ ءومىر ءسۇرۋ ساپاسىن جاقسارتۋ بويىنشا شارالار قابىلدانادى. ە ك ۇ- عا 7 مىڭ كۆوتا ءبولىپ، «اڭساعان ءسابي» باعدارلاماسى ودان ءارى ىسكە اسىرىلادى. 8 بالالاردى وڭالتۋ ورتالىعىن، 2 ەرتە قولعا الۋ ورتالىعىن اشۋ جوسپاردا بار.

ەڭبەك جانە حالىقتى الەۋمەتتىك قورعاۋ مينيسترلىگى 2022 -جىلى 700 مىڭنان استام ادامدى جۇمىسپەن قامتاماسىز ەتۋدىڭ بەلسەندى شارالارىمەن قامتۋدى جوسپارلاپ وتىر. شامامەن 5 ميلليون ادام مەملەكەتتىڭ الەۋمەتتىك مىندەتتەمەلەرىمەن قامتاماسىز ەتىلەدى. بيىل حالىقتىڭ ورنالاسۋىنىڭ ءوڭىرارالىق سايكەسسىزدىگىن ازايتۋ ماسەلەلەرىن شەشۋگە باعىتتالعان كوشى- قون ساياساتىنىڭ جاڭا تۇجىرىمداماسى مەن الەۋمەتتىك كودەكستى ازىرلەۋ كوزدەلىپ وتىر. ەنەرگەتيكا مينيسترلىگى ەلەكتر تاراتۋشىلارعا باعانى ۇستاپ تۇرۋ، ىشكى نارىقتىڭ مۇناي ونىمدەرىنە، ەلەكتر ەنەرگياسىنا، سۇيىتىلعان جانە تاۋارلىق گازعا دەگەن قاجەتتىلىگىن جابۋ، ەلىمىزدىڭ وتىن- ەنەرگەتيكا كەشەنىنىڭ ءتۇرلى سالالارىنا ينۆەستيتسيالار تارتۋ جانە ت. ب. بويىنشا شارالاردى ۇسىندى.

سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ۇسىنعان 2022 -جىلعا ارنالعان شارالار ات ءبىلىم الۋدىڭ قولجەتىمدىلىگىن ارتتىرۋدى، نۇر- سۇلتان، الماتى جانە شىمكەنت قالالارىندا 5G ۇيالى بايلانىس ستاندارتىن ەنگىزۋدى، گەوستاتسيونارلىق ەمەس سپۋتنيكتىك توپتامالاردى پايدالانۋ ارقىلى شالعايداعى اۋىلداردى ينتەرنەتپەن قامتۋدى كوزدەيدى.

«باعدارلامانىڭ بارلىق تارماعى پراكتيكالىق سيپاتقا يە بولۋى ءتيىس جانە حالىقتىڭ تۇرمىس ساپاسىن ناقتى جاقسارتۋعا باعىتتالعانى ءجون. ەل تۇرعىندارى وڭ وزگەرىستەردى سەزىنۋى ءۇشىن ءتيىمدى شارالار ازىرلەۋ قاجەت»، - دەدى پرەمەر- مينيستر.

Басты сөздер: بيلئك جانة ساياسات,
Жоғары қарай