Ауа райы
Астана 20 °С
Алматы 20 °С
валюта бағамы
USD 412.55
EUR 465.73
RUB 5.79
CNY 58.91

1965 жылы табылған коронавирус COVID-19 емес

2020 жылдың 29 наурыз 2020 17:19

НҰР-СҰЛТАН. ҚазАқпарат – Коронавирустан қорықпай, жұмысқа, көшеге шығыңыздар деп айту – іріткі салу. Бұл туралы ҚР Ақпарат және қоғамдық даму министрі Дәурен Абаев айтты, деп хабарлайды ҚазАқпарат тілшісі.

«Қазір коронавирус ешқандай жаңа ауру емес, ол 1965 жылы анықталған және адамдардың 70%-ында оған қарсы иммунитет бар деген ақпарат таралуда. Бұл жерде ескеретін мәселе бар. Дәрігерлер мен мамандар мені толықтырады деп ойлаймын. Коронавирус – ол вирус тұқымдасы. Оған 40-тан астам вирус кіреді. Атипиялық пневмония – бұл да коронавирус. Таяу шығыс респираторлық синдром – ол да коронавирустың бір түрі. Шынында, 1965 жылы осындай вирустың алғашқы түрі табылған. Бірақ, ол COVID-19 емес. Сондықтан, қазір коронавирустан қорықпай, жұмысқа, көшеге шығыңыздар деп айту – іріткі салу. Адамдарда COVID-19 вирусына қарсы ешқандай иммунитет жоқ. Санитарлық талаптарды сақтап, үйде отыру керек», - Дәурен Абаев Хабар24 арнасында өткен онлайн брифингте.


Жоғары қарай