Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

16 маусым күнгі ауа райы болжамы

2021 жылдың 16 маусым 2021 01:10

НҰР-СҰЛТАН. ҚазАқпарат – 16 маусым күні атмосфералық фронталды бөліктердің өтуіне байланысты, еліміздің батыс, солтүстік және оңтүстік-шығысындағы таулы аудандарда найзағай, өткінші жаңбыр, бұршақ күтіледі. Республиканың қалған бөлігінде жауын-шашынсыз ауа райы болжанады. Жекелеген өңірде екпінді жел тұрады, оңтүстікте шаңды дауыл, оңтүстік-батыс жағалауында түнде және күндіз тұман болады, деп хабарлайды ҚазАқпарат.

«Қазгидромет» РМК мәліметінше, Жамбыл облысының кей жерлерінде желдің екпіні 23 м/с күшейеді, күндіз таулы аудандарында дауыл, бұршақ болжанады.

Түркістан облысында, күндіз Қызылорда облысының кей жерлерінде жел шаңды дауылмен бірге көтеріліп, күші 15-23 м/с артады.

Батыс Қазақстан облысында, күндіз Атырау облысының кей жерлерінде жел 15-20 м/с күшейеді. Батыс Қазақстан облысында сондай-ақ бұршақ жауады.

Солтүстік Қазақстан облысында, күндіз Ақмола, Павлодар, Қарағанды облыстарының кей жерлерінде желдің жылдамдығы 15-20 м/с құрайды. Солтүстік Қазақстан облысында сондай-ақ дауыл тұрады.

Маңғыстау облысында түнде және таңертең тұман күтіледі.

Күндіз Маңғыстау, Батыс Қазақстан, Атырау, Ақтөбе, Қостанай, Павлодар облыстарында, Солтүстік Қазақстан облысының кей жерлерінде, Қарағанды облысының оңтүстігінде қатты ыстық болады.

Сонымен қатар Қызылорда, Павлодар, Түркістан облыстарында, Жамбыл Ақтөбе, Қостанай, Қарағанды, Алматы, Шығыс Қазақстан, Ақмола, Батыс Қазақстан облыстарының жекелеген аудандарында өте жоғары өрт қаупі күтіледі.


Басты сөздер: Ауа райы, Қазгидромет, Қоғам,
Жоғары қарай