Ауа райы
Астана 20 °С
Алматы 20 °С
валюта бағамы
USD 412.55
EUR 465.73
RUB 5.79
CNY 58.91

13 наурыз күні елімізде болатын маңызды шаралар аңдатпасы

2020 жылдың 12 наурыз 2020 21:33

НҰР-СҰЛТАН. ҚазАқпарат - «ҚазАқпарат» халықаралық ақпарат агенттігі 13 наурыз күні елімізде болатын маңызды шаралар тізімін ұсынады.

НҰР-СҰЛТАН

10.00-де Сенатта «Қазақстан Республикасының медиация туралы заңнамасы: жағдайы, мәселелері және жетілдіру бағыттары» тақырыбында дөңгелек үстел өтеді.

10.00-де Назарбаев Университетінде «Ұлт жоспарының 97-қадамы және аудиторлық қызмет» тақырыбында дөңгелек үстел өтеді.

10.00-де «Wyndham Garden» қонақүйінде «Жұмыс топтарында мақұлданған әліпби жобасын жетілдіру» бойынша жұмыс тобының кеңейтілген отырысы өтеді.

11.00-де «Солтүстік шұғыласы» Тұрғын үй кешенінде Қазақстан кәсіпкерлерінің құқықтарын қорғау жөніндегі уәкіл Рустам Жүрсінов БАҚ өкілдерімен кездесу өткізеді. Онда «Сыбайлас жемқорлыққа арнайы шолу - 2019» жобасы аясында кәсіпкерлердің пікірлерін зерттеудің негізгі қорытындылары талқыланады.

11.00-де Нұр-Сұлтан қаласы әкімдігінің баспасөз орталығында коронавирус инфекциясының таралуының алдын алу, сондай-ақ қаладағы санитарлық-эпидемиологиялық шараларды жүзеге асыруды қамтамасыз ету мақсатында бұқаралық ақпарат құралдарына арналған брифинг ұйымдастырылады.

15.00-де Қазақстанның Ұлттық музейінде «Халық қазынасы» ғылыми-зерттеу институтының құрастыруымен жарық көрген «Болат Сарыбаев. Қазақтың музыкалық аспаптары» атты кітаптың тұсауы кесіледі.

16.00-де ҚР Әділет министрі Марат Бекетаевтың төрағалық етуімен және мемлекеттік органдардың, үкіметтік емес сектордың және бизнес-қоғамдастықтың қатысуымен Заң жобалау қызметі мәселелері жөніндегі ведомствоаралық комиссияның кезекті отырысы өтеді.

АЛМАТЫ

11.00-де Алматы қаласының Өңірлік коммуникациялар қызметі алаңында кәсіпкерлікті дамытуға арналған баспасөз конференциясы өтеді. Спикерлер қол жетімді мүмкіндіктер, оның ішінде бизнес курстары, конкурстар, кеңестер арқылы бизнес мәселелерін шешу туралы айтады.


Автор Зарина Қаһарман
Басты сөздер: Нұр-Сұлтан, БАҚ,
Жоғары қарай