Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

13 маусым күнгі ауа райы болжамы

2021 жылдың 13 маусым 2021 03:06

НҰР-СҰЛТАН. ҚазАқпарат – 13 маусым күні Қазақстанның солтүстік және орталық өңірлерінде жауын-шашынсыз ауа райы сақталады. Ал елдің қалған бөлігінде атмосфералық фронталды бөліктердің өтуімен құбылмалы күн райы күтіледі: найзағай ойнап, жаңбыр жауады, Жамбыл облысының таулы аудандарында нөсер жауын болжанады. Республика бойынша кей жерлерде желдің күшеюі, оңтүстікте шаңды дауыл, елдің батысында бұршақ болады, деп хабарлайды ҚазАқпарат.

«Қазгидромет» РМК мәліметінше, Жамбыл облысының кей жерлерінде найзағай, дауыл, бұршақ күтіледі. Желдің екпіні 23-28 м/с күшейеді.

Түркістан облысының кей жерлерінде найзағай, шаңды дауыл болжанады. Желдің жылдамдығы 15-20, күндіз 25 м/с артады.

Батыс Қазақстан облысының кей жерлерінде найзағай, бұршақ күтіледі. Күндіз жел 15-20 м/с күшейеді.

Алматы, Қарағанды, Маңғыстау, Шығыс Қазақстан, Ақтөбе облыстарының кей жерлерінде найзағай болады. Жел 15-20 м/с артады.

Сондай-ақ күндіз Батыс Қазақстан облысының оңтүстігінде қатты ыстық күтіледі.

Қызылорда, Түркістан, Алматы, Ақтөбе, Павлодар облыстарының басым бөлігінде, Жамбыл, Қарағанды, Қостанай, Ақмола облыстарының кей жерлерінде, Батыс Қазақстан, Шығыс Қазақстан облыстарының жекелеген ауданында төтенше өрт қаупі сақталады.


Басты сөздер: Ауа райы, Қазгидромет,
Жоғары қарай