Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

سوڭعى 10 جىلدا ەسىرتكىگە تاۋەلدى ادام سانى 22 پايىزعا وسكەن – ب ۇ ۇ

2022 жылдың 27 мамыр 2022 16:33

نۇر- سۇلتان. قازاقپارات - بۇگىن پرەمەر- ءمينيستردىڭ ورىنباسارى ەرالى توعجانوۆتىڭ توراعالىعىمەن ناشاقورلىققا قارسى كۇرەس ماسەلەلەرىنە ارنالعان كەڭەس ءوتتى.

وعان مۇددەلى مەملەكەتتىك ورگان وكىلدەرى، جۋرناليستەر مەن ۇكىمەتتىك ەمەس ۇيىم مۇشەلەرى قاتىستى، دەپ حابارلايدى قازاقپارات.

COVID-19 تارالۋىنا جول بەرمەۋ جونىندەگى ۆاك مالىمەتىنشە، بىرىككەن ۇلتتار ۇيىمى سوڭعى 10 جىلدا ەسىرتكىگە تاۋەلدى ادامداردىڭ سانى 22 پايىزعا وسكەنىن ايتىپ، دابىل قاققان. الەمدە شامامەن 275 ميلليون ناشاقور بار. ەسىرتكى جىل سايىن 500 مىڭنان استام ادامنىڭ ولىمىنە سەبەپشى بولىپ وتىر. ە. توعجانوۆ 19 ميلليون حالقى بار قازاقستان ءۇشىن ەسىرتكىگە تاۋەلدىلىكتىڭ ءتىپتى ەلەۋسىز كورسەتكىشتەرىنىڭ ءوزى ۇلتتىق قاۋىپسىزدىككە ايتارلىقتاي قاتەرلى ەكەنىن اتاپ ءوتىپ، ەلدە اتقارىلىپ جاتقان ءىس- شارالار بارىسىن باياندادى.

11-مامىردا ەسىرتكى قىلمىسىنا قارسى ءىس- قيمىل جانە ناشاقورلىقتىڭ الدىن الۋ شارالارىن جەتىلدىرۋ جونىندەگى 2022-2023 -جىلدارعا ارنالعان جول كارتاسى بەكىتىلدى. اتالعان قۇجاتتا جاسوسپىرىمدەر مەن جاستار اراسىنداعى ناشاقورلىقتىڭ الدىن الۋ ماسەلەسى بويىنشا جەرگىلىكتى اتقارۋشى ورگانداردىڭ ءرولى كۇشەيتىلدى. ۇكىمەتتىك ەمەس ۇيىمدار مەن ەرىكتىلەردىڭ اتالعان كارتانى جۇزەگە اسىرۋعا قاتىسۋى قاراستىرىلعان. سونىمەن قاتار ەسىرتكىگە تاۋەلدىلەردىڭ پروفيلاكتيكاسىنا، ولاردى ەمدەۋگە جانە وڭالتۋعا ەرەكشە كوڭىل بولىنگەن.

1987 -جىلى بىرىككەن ۇلتتار ۇيىمى باس اسسامبلەياسىنىڭ شەشىمىمەن 26-ماۋسىم - حالىقارالىق ناشاقورلىققا قارسى كۇرەس كۇنى دەپ بەلگىلەنگەن. بۇگىننەن باستاپ ەلدە جاھاندىق قاتەردىڭ الدىن الۋ ايلىعى باستالدى. ە. توعجانوۆ ناشاقورلىق پەن ەسىرتكى بيزنەسىنە قارسى ءىس- قيمىل جۇيەسىندەگى ەڭ باستى ەلەمەنت پروفيلاكتيكا ەكەنىن ايتىپ، ءبىر اي بويى – 26-ماۋسىمعا دەيىن بۇكىل ەل بويىنشا ءار جاسوسپىرىمگە جانە ولاردىڭ اتا- اناسىنا ەسىرتكىنىڭ زيانىن ءتۇسىندىرۋ جۇمىسىن جانە كەڭ اۋقىمدى پروفيلاكتيكالىق ءىس- شارالار وتكىزۋ ءۇشىن رەسپۋبليكالىق جانە جەرگىلىكتى دەڭگەيدە بارلىق مەملەكەتتىك ورگاندارعا تاپسىرما بەردى.

«ءبىزدىڭ الدىمىزدا جاستاردىڭ بويىندا سالاۋاتتى ءومىر سالتى، وتباسىلىق قۇندىلىقتار جانە تابىستى بولاشاق قۇرۋ پرينتسيپتەرىن قالىپتاستىرۋ مىندەتى تۇر. بۇل - ۇلكەن جاۋاپكەرشىلىك»، - دەدى ۆيتسە- پرەمەر.

كەڭەس سوڭىندا ە. توعجانوۆ وسكەلەڭ ۇرپاقتىڭ بولاشاعى ءۇشىن جۇمىس ىستەۋگە ەرىكتى تۇردە قاتىسىپ وتىرعان بەلسەندى ازاماتتىق ۇستانىمى بار جاستار ۇيىمدارىنىڭ كوشباسشىلارىنا، بلوگەرلەرگە، جۋرناليستەرگە العىس ايتىپ، ادام تاعدىرىن جاماندىقتان اراشالاپ قالۋعا باعىتتالعان قىزمەتىن ەرەكشە اتاپ ءوتتى.


Басты сөздер: قوعام,
Жоғары қарай