Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Twitter- دىڭ نەگىزىن قالاعان دجەك دورسي كومپانيادان كەتتى

30 November 2021 07:46

نۇر- سۇلتان. قازاقپارات - Twitter- دە دۇيسەنبى كۇنى باسشىلىق اۋىستى: ميكروبلوگتار سەرۆيسىنىڭ تەڭ قۇرىلتايشىسى، ميللياردەر دجەك دورسي باس ديرەكتور قىزمەتىنەن كەتتى. كومپانيا رەفورما جۇرگىزىپ، Facebook جانە TikTok پەن تەڭ باسەكەگە تۇسپەك، دەپ حابارلايدى قازاقپارات ۆ ۆ س گە سىلتەمە جاساپ

دۇيسەنبى كۇنى .Twitter, Inc كومپانياسى باس ديرەكتور دجەك ءدورسيدىڭ ورنىنا Twitter- دە سوڭعى 4 جىل بويى تەحنولوگيالار بويىنشا ديرەكتور بولعان پاراگ اگراۆال كەلەتىنىن ءمالىم ەتتى.

«مەن Twitter- دەن كەتۋدى ۇيعاردىم. سەبەبى كومپانيا ونىڭ نەگىزىن قالاۋشىلاردان دەربەستەنىپ، العا جىلجۋعا دايىن دەپ ەسەپتەيمىن. مەن پاراگۋعا جاڭا ديرەكتور رەتىندە كامىل سەنەمىن. Twitter- دە ەڭبەك ەتكەن سوڭعى 10 جىلدا ول كومپانيانى تۇرلەندىرە ءتۇستى» ، - دەپ كەلتىرەدى ءدورسيدىڭ ءسوزىن الەمدىك اقپارات اگەنتتىكتەرى.

د. دورسي Twitter- دە كومپانيا قىزمەتكەرلەرىنە ارنالعان قوشتاسۋ حاتىن قالدىرىپ: «بارلىعى دەرلىك ەستىگەنىنە كۇمانىم بار، مەن Twitter- دەن كەتتىم» دەپ جازدى.

Facebook جانە TikTok الەۋمەتتىك جەلىلەرىمەن نارىق ءۇشىن كۇرەسىپ جاتقان Twitter- دىڭ ءبۇتىن الەم بويىنشا 400 ميلليونعا جۋىق قولدانۋشىسى بار. Facebook-تە - 2,8 ميلليارد، TikTok-تا 1 ميلليارد قولدانۋشى تىركەلگەن. پروگرامميست دجەك دورسي Twitter- دى ونىڭ نەگىزى قالانعان 2006 -جىلدان بەرى باسقارىپ كەلدى.

قازىر 45 جاستاعى ءدورسيدىڭ داۋلەتى 12 ميلليارد ا ق ش دوللارىنا باعالانۋدا.

Keywords: الةم,
Up