Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Түркістан облысында вакцина алғандар саны 300 мыңға жуықтады

14 June 2021 16:10

ТҮРКІСТАН. ҚазАқпарат - Түркістан облысы коронавирустың таралу көрсеткіші бойынша «жасыл» аймақта орналасқан. Вакцина салдыру көрсеткіші бойынша елімізде 1-орында тұр, деп хабарлайды ҚазАқпарат.

Соңғы 2 аптада COVID-19 ауруын жұқтыру көрсеткіші 440 жағдайдан 225 жағдайға дейін 2 есе төмендеген.

Бүгінгі күнге дейін 293 мыңға жуық (91%) адам 1-компонентпен вакцина қабылдады.

Өңірдің эпидемиологиялық ахуалы облыс әкімі Өмірзақ Шөкеевтің төрағалығымен өткен апталық аппарат отырысында талқыланды.

Түркістан облысына ақпан айынан бастап жалпы 321 мыңнан астам доза вакцина жеткізілген.

Сонымен қатар, ақпан айынан бастап 160 мыңға жуық дозадан барлығы 120 мыңдай (75%) адамға салынды.

Отандық QazVac вакцинасы 2000 адамға (100%) 1- доза, 879 (44%) адамға 2-доза егілді.

Мамыр айында Hayat Vax вакцинасының 43 000 дозасы жеткізілді. 1-дозасы 100% егілді. 15 мыңға жуық адамға (35%) 2-доза салынды.




Түркістан облысында 185 мың доза Спутник V (Ресей, КФК) және 752 мың доза құрайтын QazVac отандық вакцинамен қамтамасыз ету жоспарланып отыр.

Вакцинаны сақтау және тасымалдау шарттары сақтала отырып, жалпы 128 егу пунктінде вакцинация жүргізіліп жатыр.

СЭС мамандары коронавирустың болжамды жұқтыру көрсеткішін бөлісті. Талдау жүргізілген 3 мыңға жуық жағдайдың 1114-і (38,5%) қарым-қатынастағылар арасынан анықталып отыр.

Эпидемиологиялық тексерулер барысында инфекцияның болжамды жұқтыру көздері (орындары) анықталған.




Атап айтқанда, науқастардың 30 %-ға жуығы инфекцияны мерекелік, кафе және отбасылық шаралар кезінде жұқтырған.

Қоғамдық көлік, базар, дүкен, көпшілік орындарда - 45%, бетперде режимін бұзғандар, үй жағдайы және басқа - 49% COVID-19 инфекциясын жұқтырған.

Соңғы 2 апта ішінде ауру/байланыста болған үй карантиндік режимін сақтауы тиіс 20-дан астам адамның «Ашық» бағдарламасымен жұмыс істейтін нысандарға барғаны анықталды.

Оның ішінде 5-«қызыл», 17-«сары» статустағылар.




Барлық жағдайда аумақтық СЭБ басқармалары тарапынан қаулылар шығарылып, ескерту берілді.

Зертханаларда лабораториялық зерттеулер бойынша өткен тәулікте 2 300 адам тексерілді.

Жалпы, пандемия басталғалы 800 мыңға жуық адам ПТР тест тапсырған.

Облыс бойынша 1200 инфекциялық және 300 карантин және 188 реанимациялық төсек-орын ұйымдастырылған.








Up