Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Түркістан облысы: Көлігіне маймыл салып жүрген азамат жауапқа тартылуы мүмкін

15 June 2021 14:43

ТҮРКІСТАН. ҚазАқпарат – Түркістан облысында көлгіне маймыл салып алып жүрген азамат жауапқа тартылуы мүмкін, деп хабарлайды ҚазАқпарат Түркістан облысының Полиция департаментіне сілтеме жасап.

«Түркістан облысының полицейлері әлеуметтік желіге мониторинг жүргізу кезінде «Instagram» парақшаларының бірінде жол жиегінде маймылдың электр бағанының үстіне шығып кетіп, түсе алмай тұрғаны түсірілген бейнежазбаны анықтады»,-делінген жазбада.

Бұл видео бойынша Сарыағаш аудандық полиция бөлімінің қызметкерлері бірден істің мән-жайын анықтауға кіріскен. Оқиғаның Сарыағаш қаласындағы көшелердің бірінде болғаны анықталды. Маймылдың иесі Сарыағаш ауданының тұрғыны болып шықты.

Оның айтуынша, ол аталмыш жануарды тасымалдап бара жатқанда, абайсызда тордан шығып кетіп, жақын маңдағы электр бағанына мініп алған. Ал оны бағаннан түсіру үшін иесі пневматикалық қарумен бірнеше рет ауаға оқ атқан. Содан соң маймылды ұстап, қайта торына салып, алып кеткен.

«Макака» тұқымды маймылды жергілікті тұрғын Өзбекстан Республикасынан сатып алған, одан кейін Сарыағаш ауданында қайта сату үшін алып кетіп бара жатқаны анықталды.

Қазіргі таңда Сарыағаш АПБ қызметкерлері маймылдың иесінің жасаған іс-әрекеті бойынша жағдайды зерделеп, тиісті құжаттарын тексеріп, әкімшілік жауапкершілігін қарау үстінде.


Up