Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Тошкентда Қозоғистон ва Ўзбекистон Сенатлари ўртасида музокаралар бўлиб ўтди

25 October 2021 11:31

TASHKENT. Kazinform -. Қозоғистон Парламенти Сенати Раисининг ўринбосари Aсқар Шакиров Тошкентда Ўзбекистон Олий Мажлиси Сенати Раисининг биринчи ўринбосари Содиқ Сафоев билан учрашди, деб хабар беради Kazinform ҚР Парламенти Сенати матбуот хизматига таяниб.

Учрашувда Сенат Раиси Маулен Aшимбоевнинг Ўзбекистонга расмий ташрифи чоғида қабул қилинган «2021-2022 йилларда парламентлараро ҳамкорликни ривожлантириш йўл харитаси» нинг бажарилиши муҳокама қилинди.

Суҳбат чоғида туризм, экология, сув хўжалиги, сармоявий соҳалардаги икки томонлама муносабатларнинг шартномавий-ҳуқуқий базасини такомиллаштириш бўйича ҳамкорлик масалаларига эътибор қаратилди. Трансчегаравий ҳамкорликни фаоллаштириш, кичик ва ўрта бизнесни ривожлантириш, Орол муаммосига алоҳида эътибор қаратилди.

Учрашувда икки мамлакат Сенатлари ўртасидаги ҳамкорлик комиссиясининг олдинги йиғилишининг баённомалари ҳам имзоланди.

Тадбирда қозоғистонлик сенаторлар Aқмарал Aлназарова ва Алимжан Қуртаев иштирок этди. Улар Ўзбекистонга ЕХҲТ ПA ва МДҲ ПАA кузатувчилари миссияси таркибида мамлакатда бўлиб ўтган президентлик сайловларини кузатиш учун ташриф буюрди.

Сенат Раисининг ўринбосари президентлик сайловларини кузатувчи сифатида Тошкентга ташрифи чоғида Ўзбекистон Олий Мажлиси Қонунчилик палатаси Спикери Нурдинжон Исмоилов ва Ўзбекистон Марказий сайлов комиссияси раиси Зайниддин Низомхўжаев билан учрашди.

Сенат Раисининг ўринбосари халқаро кузатувчилар, хусусан, ЕХҲТ Парламент Aссамблеяси раиси Маргарет Седерфельт билан ҳам учрашди. Учрашувда Марказий Осиёда барқарор ривожланиш мақсадлари ва Aфғонистондаги вазиятни янада илгари суриш масалалари муҳокама қилинди.

Up