Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

СҚО-да жоғалған ер адамның денесі төрт күннен кейін Есілден табылды

18 June 2021 17:54

ПЕТРОПАВЛ. ҚазАқпарат – Солтүстік Қазақстан облысында жоғалған 69 жастағы ер адамның денесі Есіл өзенінен табылды, деп хабарлайды ҚазАқпарат тілшісі.

СҚО төтенше жағдайлар департаменті баспасөз қызметінің мәліметінше, Есіл ауданы Бірлік ауылының 1952 жылы туған тұрғынын құтқарушылар 15-17 маусым аралығында Есіл өзенінен іздеді. Мамандар 44 шақырымды қарап шықты.

Іздеу жұмыстары кезінде ауылдан екі шақырымдай жерде Ильинка елді мекені бағытында ер адамның көлігі табылды. Сондай-ақ Есіл жағасында адамның жүрген іздері анықталды. Із өзенге кіріп жоғалған.

17 маусым күні сағат 12.58-де департаменттің іздеу тобы ер адамның денесін тапты. Үстінде киімі болған. Ағыс оны ауылдан 6 шақырымға алып кеткен. Марқұмның неден қайтқаны анықталады, сот-медициналық сараптама тағайындалды.

Бұған дейін СҚО Есіл ауданы Бірлік ауылының 1952 жылы туған тұрғынының белгісіз жағдайде Есіл өзенінің маңында жоғалғанын айтқан едік.



Up