Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Сайрам және Төле би аудандарында карантин шектеуі күшейтілді

29 July 2021 15:25

ТҮРКІСТАН. ҚазАқпарат - Түркістан облысының бас санитар дәрігерінің жаңа қаулысына сәйкес, Шымкент қаласына жақын орналасқан Сайрам және Төле би аудандарында карантин мен шектеу шаралары күшейтілді, деп хабарлайды ҚазАқпарат тілшісі.

Атап айтқанда, екі ауданда Ashyq жобасын енгізбеген нысандардың жұмыс істеуіне тыйым салынады. Тек алып кету және жеткізу қызметіне рұқсат беріледі.

Ashyq жобасымен қызмет көрсететін мейрамхана, дәмхана, қоғамдық тамақтану объектілері, банкет залдары, бассейндер, сауда үйлері, сауда желілері, бильярд, компьютер клубтары, сұлулық салондар, шаштараздар жұмыс күндері кешкі сағат 20:00 ге дейін ашық болады.

Ал, сенбі және жексенбі күндері жұмыс істеуіне тыйым істемейді.

Ashyq жобасымен жұмыс істейтін демалыс үйлері, туристік базалар және жағажайлар азық-түлік емес дүкендер, ашық, жабық базарлар (азық-түлік, азық-түлік емес), жәрмеңкелер, моншалар, ашық ауадағы аттракциондар, батуттардың сенбі, жексенбі күндері жұмысы тоқтатылады.

Еске сала кетсек, мегаполистер мен ірі қалалар маңындағы қала тұрғындары демалуға баратын аудандарда карантин күшейтіледі. Қазақстан аумағында коронавирус инфекцияның таралуына жол бермеу жөніндегі ведомствоаралық комиссияның отырысында осындай мәселе қаралған еді.


Up