Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قىتايداعى بارلىق وليمپيادالىق نىساندارعا وليمپياداشىلار QR كودپەن كىرەدى

28 January 2022 21:57

نۇر-سۇلتان. قازاقپارات - بەيجىڭدە وتەتىن XXIV قىسقى وليمپيادا ويىندارىنا قاتىساتىن بارلىق اتلەتتەر سپورت نىساندارىنا تەك قانا QR كود بويىنشا كىرە الادى، دەپ حابارلايدى قازاقپارات ءتىلشىسى.

بۇل تۋرالى ۇ و ك سپورتتىق مەديتسينا جانە انتيدوپينگ دەپارتامەنتىنىڭ جەتەكشىسى لاۋرا ۋكبەنوۆا ءمالىم ەتتى.

ونىڭ ايتۋىنشا بەيجىڭگە ۇشىپ كەلگەن وليمپياداشىلار قاتاڭ تەكسەرىستەن وتەدى. بۇل جارىستى قابىلدايتىن مەملەكەتتىڭ كوۆيدكە قارسى شارالارى بولىپ سانالادى.

«وليمپياداشىلارمەن بىرگە قىتايعا سپورتتىق دارىگەرلەر دە اتتاندى. ولار ۆيرۋستى ينفەكسياعا قارسى ەمدەۋ شارالارىن جۇرگىزەدى. ويىنعا قاتىسۋشىلار وسىعان دەيىن مىندەتتى تالاپتاردى ساقتادى.

ول مىندەتتەر ۇشار الدىندا كارانتينگە جاتۋ، كۇن سايىن ۆيرۋسقا تەست تاپسىرۋ، گەولوكاتسيانى باقىلاپ وتىراتىن موبيلدىك قوسىمشانى قولدانۋ. قاتىسۋشىلاردىڭ ءبارى قاتاڭ ءتارتىپتى ساقتادى. قىتايداعى بارلىق وليمپيادالىق نىساندار QR كود بويىنشا كىرگىزەتىن بولادى»، - دەيدى لاۋرا ۋكبەنوۆا.

XXIV قىسقى وليمپيادا 4-20- اقپان ارالىعىندا بەيجىڭدە وتەدى. وعان قازاقستان قۇراماسىنان بارلىعى 34 سپورتشى قاتىسادى، ولار 87 جولداما جەڭىپ الدى.

قازاقستاندىقتار شاڭعى جارىسى، فريستايل اكروباتيكا جانە موگۋل، كونكيمەن جۇگىرۋ، شورت- ترەك، بياتلون، تاۋ شاڭعىسى، تۇعىردان سەكىرۋ، شاڭعى قوسسايىسى سياقتى 8 سپورت تۇرىنەن سىنعا تۇسەدى.

وندا 109 مەدال جيىنتىعى ساراپقا سالىنادى.

اۆتور: كۇنسۇلتان وتارباي

Keywords: سپورت,
Up