Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

جەلىلىك Qnet كومپانياسىنا قاتىستى قىلمىستىق ءىس قوزعالدى

17 May 2022 11:55

الماتى. قازاقپارات - الماتى پوليتسياسىندا Qnet جەلىلىك كومپانياسىنا قاتىستى قىلمىستىق ءىس قارالىپ جاتىر، دەپ حابارلايدى قازاقپارات ءتىلشىسى.

«قازىر Qnet كومپانياسىنىڭ قىزمەتىنە قاتىستى الماتى پوليتسيا دەپارتامەنتىنىڭ تەرگەۋ باسقارماسى ق ر قىلمىستىق كودەكسىنىڭ 217-بابى (قارجىلىق (ينۆەستيتسيالىق) پيراميدانى قۇرۋ جانە وعان باسشىلىق ەتۋ) بابى بويىنشا قىلمىستىق ءىستى تەرگەپ جاتىر»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى رۋستام ءابدىراحمانوۆ.

پوليتسيا وكىلىنىڭ ايتۋىنشا، تەرگەۋ بارىسى ق ر باس پروكۋراتۋراسى، ىشكى ىستەر مينيسترلىگى، الماتى قالاسى پروكۋراتۋراسى مەن پوليتسيا دەپارتامەنتى باسشىلىعىنىڭ ەرەكشە باقىلاۋىندا، جەدەل- ىزدەستىرۋ شارالارى ءجۇرىپ جاتىر.

«Qnet قازاقستان رەسپۋبليكاسى زاڭناماسىنا سايكەس كاسىپكەرلىك قىزمەت كورسەتىپ جاتقان جوق. كومپانيانىڭ بانكتىك جانە ينۆەستيتسيالىق قىزمەتكە ليتسەنزياسى مەن رۇقساتى جوق»، - دەدى ول.

ايتا كەتەيىك، كومپانيا جەلىلىك ماركەتينگ جۇرگىزەدى، وندا ادامدار ءتۇرلى زەرگەرلىك بۇيىمداردى ساتۋمەن اينالىسادى. باستاپقى سالىم سوماسى - 30 دوللار. قازىرگى ۋاقىتتا قۇقىق قورعاۋ ورگاندارىنا ازاماتتاردان 220 شاعىم تىركەلگەن.

اۆتور: الما مۇقانوۆا

Keywords: قوعام,
Up