Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

قازاقستان QazVac ۆاكسيناسىن يسلام ەلدەرىنە بەرۋگە دايىن - توقايەۆ

16 June 2021 21:14

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ يسلام ىنتىماقتاستىعى ۇيىمىنىڭ عىلىم جانە تەحنولوگيا جونىندەگى ەكىنشى سامميتىنىڭ اشىلۋ راسىمىنە قاتىستى، دەپ حابارلايدى قازاقپارات.

«ي ى ۇ- نىڭ عىلىم جانە تەحنولوگيا جونىندەگى ەكىنشى سامميتىنىڭ اشىلۋىنا قاتىستىم. عىلىمي-تەحنولوگيالىق جانە يننوۆاتسيالىق ىنتىماقتاستىقتى جانداندىرۋعا قاتىستى ءبىرقاتار ۇسىنىس ايتتىم» دەپ جازدى مەملەكەت باسشىسى Twitter پاراقشاسىندا.

ونىڭ ايتۋىنشا، د د س ۇ QazVac ۆاكسيناسىن ماقۇلداعاننان كەيىن قازاقستان ونى ي ى ۇ ەلدەرىنە بەرۋگە دايىن.

«جاساندى ينتەللەكت، Big Data جانە كيبەرقاۋىپسىزدىك سالالارىنداعى بىرلەسكەن جوبالار ءۇشىن نازاربايەۆ ۋنيۆەرسيتەتى مەن Astana IT Hub الاڭىن ۇسىنامىز. سونداي-اق قازاقستان ۇيىمعا مۇشە ەلدەر ءۇشىن باكالاۆريات باعدارلاماسى بويىنشا وتاندىق ۋنيۆەرسيتەتتەردە 100 گرانت بولۋگە نيەتتى» دەپ اتاپ ءوتتى قاسىم-جومارت توقايەۆ.

ايتا كەتەيىك، ءبىز بۇعان دەيىن يسلام ىنتىماقتاستىعى ۇيىمىنىڭ (ي ى ۇ) عىلىم جانە تەحنولوگيا جونىندەگى ەكىنشى سامميتىنىڭ اشىلۋ ءراسىمى وتكەنىن جازعان بولاتىنبىز.


Up