Weather
Astana -5 °С
Almaty -4 °С
Exchange rates
USD 421.58
EUR 496.83
RUB 5.53
CNY 62.20

Павлодарда кальян барына келгендер тексерушілерден әжетханаға тығылған

26 November 2020 14:55

ПАВЛОДАР. ҚазАқпарат – Карантинге байланысты бірқатар мекемелердің жұмысына тыйым салынғанымен, мониторинг тобы кальян барында 15-тен аса адамның болғанын анықтады, деп хабарлайды ҚазАқпарат тілшісі.

«Бүгін түнде жергілікті полиция, қалалық әкімдік және санитария-эпидемиологиялық бақылау басқармасының қызметкерлері «Малина» кальян барын тексерді. Мұндай мекемелердің жұмысына тыйым салынғанына қарамастан мониторинг тобы ғимарат ішінде 15-тен аса адамның болғанын анықтады» деп хабарлады тілшілерге Павлодар әкімдігінің баспасөз қызметі.

Баспасөз қызметінің мәліметінше, мекеме әкімшілігі келушілерді қосалқы бөлме мен әжетханаға жасырып қоймақ болған.

«Іс материалдары шешім қабылдау үшін санитария-эпидемиологиялық бақылау басқармасына жіберіледі» деп толықтырды дереккөз.






Up