Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Қызылорда облысында электр тогымен ауланған 77 келі балықпен браконьерлер ұсталды

27 September 2021 00:50

ҚЫЗЫЛОРДА. ҚазАқпарат - Қызылорда облысында электр тогын қолдана отырып балықты заңсыз аулағандар қолға түсті, деп хабарлайды ҚазАқпарат тілшісі.

Арал-Сырдария облысаралық бассейндік балық шаруашылығы инспекциясының қызметкерлері «Охотзоопром ӨБ» РМҚК қызметкерлерімен бірлесіп рейд жұмыстарын жүргізді. Оның барысында Шиелі ауданының «Телкөл каналы-3 көпір» аймағында «УАЗ» маркалы автокөлігі ұсталды.

«Тексеру барысында көліктің жүксалғышынан жалпы салмағы 77 келіні құрайтын үш қап балық, екі аккумулятор, қолдан жасалған электргенераторы, екі резеңке қайығы табылды. Бұл құрылғылар электр тогын қолдана отырып, балықты заңсыз аулау кезінде қолданылады. Жиналған материалдар бойынша қылмыстық іс қозғау үшін Шиелі аудандық полиция бөліміне тапсырылды. Іс ҚР Қылмыстық кодексінің 335-бабына сәйкес жүргізілуде», - деп мәлім етті Арал-Сырдария облысаралық бассейндік балық шаруашылығы инспекциясынан.


Up