Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ҚТЖ теміржолшылардың тұрмыстық жағдайын жақсарту бағдарламасын іске қосады

21 July 2021 19:16

НҰР-СҰЛТАН. ҚазАқпарат - «Қазақстан темір жолы» ҰК» АҚ теміржолшылардың әлеуметтік-тұрмыстық жағдайын жақсартудың арнайы бағдарламасын іске қосады, деп хабарлайды ҚазАқпарат аталған компанияның баспасөз қызметіне сілтеме жасап.

Бүгін өткен кеңейтілген кеңесте компанияның Басқарма Төрағасы Нұрлан Сауранбаев: «Еңбек ұжымдарындағы әлеуметтік тұрақтылықты қолдау мақсатында біз үшін қызметкерлердің еңбек жағдайларының тиісті деңгейін қамтамасыз ету маңызды мәселе», - деп атап көрсетті.

«ҚТЖ» ҰК« АҚ әрқашанда өз қызметкерлеріне кең ауқымды жеңілдіктерді қамтитын әлеуметтік пакет ұсынып келеді. Осы мақсатқа арналған бюджет жыл сайын ұлғайып отыр.

Қызметкерлердің құқығын қорғау, еңбекақы төлеу, еңбекті қорғау, басқа да әлеуметтік кепілдіктер Ұжымдық келісім-шартпен бекітілген. Бүгінгі кеңейтілген кеңесте айтылғандай, қызметкерлерге уақытылы қосымша ақылар мен үстемеақыларға, сапалы арнайы киіммен қамтамасыз етуге, қолайлы еңбек жағдайларын жасауға ерекше назар аудару қажет.


Up