Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Қазақстанда дипломатиялық корпус қызметкерлерін вакциналау жүргізілуде

30 April 2021 21:58

НҰР-СҰЛТАН. ҚазАқпарат - Мемлекет басшысының тапсырмасы бойынша Сыртқы істер министрлігі Денсаулық сақтау министрлігімен бірлесіп, елде аккредиттелген дипломатиялық корпустың қызметкерлерін және олардың отбасы мүшелерін вакцинациялауды қамтамасыз етеді, деп хабарлайды ҚР СІМ баспасөз қызметі.

Бұл жұмыс Қазақстан тұрғындарының коронавирус індетінің одан әрі таралуына қарсы қорғалу деңгейін арттыру үшін жүргізілуде.

Вакциналауға ниет білдірген 769 шетелдік дипломаттардың ішінде ең көбі Нұр-Сұлтанда 496 адам, Алматыда 236 адам, Ақтауда 27 адам және Өскеменде 10 адам тұрады. Оларды вакциналау қалалық медициналық орталықтарда ақысыз негізде және Қазақстан Республикасының барлық азаматтарымен бірге жалпы кезек тәртібімен жүргізіледі.

Вакцинаның екінші компонентін алғаннан кейін қызметкерлерге және олардың отбасы мүшелеріне egov мобильдік қосымшасы арқылы тиісті анықтамалар мен электрондық вакцинация паспорты беріледі.

Keywords: Вакцина, ҚР СІМ,
Up