Weather
Astana 18 °С
Almaty 31 °С
Exchange rates
USD 413.12
EUR 452.86
RUB 5.82
CNY 57.92

Карантин: 30 наурыз бен 5 сәуір аралығында банктер қалай жұмыс істейді

29 March 2020 13:06

НҰР-СҰЛТАН. ҚазАқпарат - Нұр-Сұлтан мен Алматы қалаларында 30 наурыздан 5 сәуірге дейін екінші деңгейлі банктер жұмысын тоқтатады. Бұл туралы ҚазАқпарат ҚР Ұлттық банкке сілтеме жасап хабарлайды.

Аталған мерзім аралығында Нұр-Сұлтан мен Алматыда орналасқан екінші деңгейлі банктердің кассалық-есептік бөлімдерінің жұмысы тоқтатылады.

Осы уақыт аралығында заңды және жеке тұлғалардан төлем қабылдау және ақша аудару интернет, мобильді банкинг арқылы қашықтықтан жүзеге асырылады.

Қолма-қол ақшаны алуға, қолма-қол ақшасыз есеп айырысуға және жеке тұлғалардың банктік шоттарын толтыруға арналған банкоматтар мен терминалдардың жұмыс істеуін банктер әдеттегідей қамтамасыз етеді.

«Қазақстан Республикасы Ұлттық банкінің Қазақстандық банкаралық есеп айырысу орталығы» РМК банктердің, қазынашылық комитетінің және нарықтың басқа қатысушыларының төлемдерін өңдеудегі жұмысы штаттық режимде жүзеге асырылады.


Up