Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

گەرمانيا رەسەي مۇنايىن يمپورتتاۋدان باس تارتتى - Bloomberg

16 May 2022 18:31

بريۋسسەل. قازاقپارات - Bloomberg اگەنتتىگىنىڭ مالىمەتىنشە، گەرمانيا ۇكىمەتى ەۋروپالىق وداق مۇناي ەمبارگوسىن ەنگىزۋگە كەلىسپەسە دە، وسى جىلدىڭ سوڭىنا دەيىن رەسەي مۇنايىن جەتكىزۋدەن باس تارتپاق، دەپ حابارلايدى قازاقپارات مەنشىكتى ءتىلشىسى.

مۇنداي اقپاراتتى نەمىس مينيسترلەر كابينەتىندەگى دەرەككوزگە سىلتەمە جاساي وتىرىپ Bloomberg حابارلادى.

وندا اتاپ وتىلگەندەي، گ ف ر ۇكىمەتى بالامالى كوزدەردەن مۇناي جەتكىزۋ ماسەلەسىن التى-جەتى اي ىشىندە شەشە الادى.

باتىس جۋرناليستەرىنىڭ مالىمەتىنشە، گ ف ر رەسەيدەن مۇناي يمپورتىن ۋكرايناداعى وقيعالار باستالعالى بەرى ەنەرگيا رەسۋرستارى يمپورتىنىڭ جالپى كولەمىندە 35 تەن 12 پايىزعا دەيىن قىسقارتتى.

سونداي-اق، گەرمانيا بيلىگى بالامالى ەنەرگيا جەتكىزەتىن ەلدەرمەن كەلىسسوزدەردى كۇشەيتتى.

Bloomberg سۇحباتتاسۋشىلارى نەمىس مينيسترلەر كابينەتى گەرمانيانىڭ 6-7 اي ىشىندە وسى پروبلەمامەن بايلانىستى لوگيستيكالىق ماسەلەلەردى شەشە الاتىندىعىنا سەنىمدى دەپ سەندىردى.

اگەنتتىكتىڭ حابارلاۋىنشا، گەرمانيا بيلىگى بۇل ماسەلەنى بالتىق ماڭىنداعى نەمىس پورتى ارقىلى زاۋىتتى وتىنمەن قامتاماسىز ەتۋ ارقىلى شەشۋدى جوسپارلاپ وتىر.

بۇگىن ەۋروپالىق وداقتىڭ سىرتقى ىستەر مينيسترلەرى بريۋسسەلدە كەزدەسۋ وتكىزىپ جاتىر، وندا رەسەيگە قارسى كەلەسى سانكسيالار پاكەتى، تاعى باسقا ماسەلەلەر تالقىلانادى.

Keywords: الةم,
Up