Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

Бейжіңде Олимпиада қалашығы ресми түрде ашылды

27 January 2022 10:31

БЕЙЖІҢ. Кyodo-ҚазАқпарат – Бейсенбі күні Бейжің қаласында өтетін Қысқы олимпиада ойындарының қатысушылары үшін Бейжіңде екі және Чжанцзякоуда бір олимпиада қалашығы ашылды, деп хабарлайды ҚазАқпарат Кyodo агенттігіне сілтеме жасап.

Бейжідегі Чаоян және Яньцин аудандарындағы кенттерде 3500-ге жуық төсек орын қарастырылған, ал Қытай астанасынан солтүстік-батысқа қарай шамамен 160 шақырым жерде орналасқан Чжанцзякоудағы қалашық 4-20 ақпан аралығында өтетін ойындарға қатысатын командалардың шамамен 2800-ге жуық спортшы мен ресми тұлғаны қабылдайды.

Чаоян кентінде негізінен конькимен сырғанау жарыстарына қатысушылар тұратын болса, Яньциндегі қалашықта тау шаңғышыларын қарсы алады. Чжанцзякоу аймағындағы ауылда шаңғышылар, сноубордшылар және трамплиннен секірушілер тұратын болады.

Жапонияның шайбалы хоккейден әйелдер құрамасының олимпиадалық қалашыққа бейсенбі күні түстен кейін келетіні күтілуде. Спортшылар 3 ақпан күні Укесонг спорт орталығында өтетін алғашқы ойынында Швеция командасымен кездеседі.





Up