Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

Атырау облысында 65 жастағы зейнеткер іздестіріліп жатыр

29 January 2022 18:40

АТЫРАУ. ҚазАқпарат – Атырау облысында із-түзсіз жоғалып кеткен 65 жастағы зейнеткерді іздеп жатыр, деп хабарлайды ҚазАқпарат.

Махамбет ауданының Бейбарыс ауылында тұратын 1957 жылы туған ер адам кеше, 28 қаңтарда сағат кешкі 19:30-да үйінен шығып кетіп, кері оралмаған. Содан бері жоғалған зейнеткерден бір дерек болмай тұр.

Туыстары зейнеткердің жоғалғаны туралы Төтенше жағдайлар департаментіне 29 қаңтар күні сағат 00:15-те хабар берген.

«Кешеден бері отбасына оралмаған ер адамды іздеу жергілікті учаскелік полиция инспекторларымен бірге жүргізіліп жатыр. Жоғалған зейнеткерді іздеуге Махамбет аудандық №11 өрт сөндіру бөлімінің жедел құтқару жасағынан 11 қызметкер, 2 қызметтік ит пен 2 арнайы техника тартылды», - деп хабарлады департаменттің баспасөз қызметінен.

Еске сала кетелік, бұған дейін Атырауда жоғалған 9 жасар баланың денесі судан табылғанын жазған болатынбыз.








Up