Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

الماتىلىق قۇتقارۋشىلار تۇرعىندارعا تاۋعا شىقپاۋعا كەڭەس بەردى

29 May 2022 07:07

الماتى. قازاقپارات - اۋا رايىنىڭ ناشارلاۋىنا بايلانىستى توتەنشە جاعدايلار دەپارتامەنتى تۇرعىندارعا تاۋعا شىقپاۋعا كەڭەس بەردى، دەپ حابارلايدى قازاقپارات ءتىلشىسى.

«قازگيدرومەت» تاراتقان ەسكەرتۋ نەگىزىندە الماتىنىڭ توتەنشە جاعدايلار قىزمەتى تۇرعىندارعا تاۋعا شىقپاۋعا كەڭەس بەرەدى.

29-30 - مامىر كۇندەرى تاۋلى ايماقتاردا جانە قالادا نوسەر جاڭبىر جاۋىپ، نايزاعاي وينايدى، بۇرشاق پەن داۋىل تۇرادى دەپ كۇتىلەدى.

وسىعان بايلانىستى ت ج د الماتى تۇرعىندارى مەن قوناقتارىنا تاۋعا شىقپاۋعا كەڭەس بەردى.

«الماتى تاۋلارىندا كۇن كۇركىرەيدى. سولتۇستىك-باتىستان سەكۋندىنا 24-29 مەتر جىلدامدىقپەن جەل سوعادى. تاۋعا بارۋدان باس تارتا تۇرۋلارىڭىزدى سۇرايمىز. سونىمەن قاتار، كولىكتەرىڭىزدى اعاشتاردىڭ استىنا قويماڭىزدار»، - دەلىنگەن رەسمي حابارلامادا.

Keywords: ايماق,
Up