Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

الەمدەگى ەڭ كونە تىرشىلىك يەسىن بىلەسىز بە؟

26 May 2022 19:10

نۇر-سۇلتان. قازاقپارات - عالىمدار دۇنيەجۇزىندەگى جاسى ەڭ ۇلكەن تىرشىلىك يەسىن تاپتى.




Әлемдегі ең көне тіршілік иесін білесіз бе?

شامامەن، 5 مىڭ جىل ءومىر سۇرگەن. ءتىپتى، ودان كوپ بولۋى مۇمكىن. بۇل نە دەسەڭىز، بۇل كادىمگى - قاراعاي. ناقتىراق ايتساق، ساعىزقاراعاي. چيلي ەلىندەگى تاۋدان تابىلعان.

اعاش دىڭگەگىنىڭ ديامەترى - 4 مەتر. قاراعايدىڭ ءوزى ءتىرى بولعانىمەن، كوپ بولىگى ءشىرىپ كەتكەن. بەتىن قىنا مەن مۇك باسىپ قالعان، اينالاسى تالمەن، اعاشپەن شىرمالىپ جاتىر. كەيبىرى قاراعايدىڭ تامىرىنا تامىر جىبەرىپ، تەرەڭگە كەتكەن. بۇلاردىڭ ءبىر جاعىنان الىپ اعاشتى جەل مەن ىستىقتان قورعاۋعا سەپتىگى تيەدى.




چيلي عالىمدارىنىڭ ايتۋىنشا، گيگانت- قاراعايدىڭ جاسى كەم دەگەندە 5 مىڭ جىل. ودان دا اسىپ كەتۋى مۇمكىن. ناقتىراق ايتساق، ستاتيتيستيكالىق مودەلدەۋ تاسىلىمەن اعاشتىڭ جاسىن ەسەپتەگەندە، 5484 جىل بوپ شىققان. مۇنى عالىمدار پاريجدەگى زەرتحانادا قاراپ، كومپيۋتەرلىك ەسەپ پەن ءداستۇرلى ءادىس-تاسىلدەردى قولدانۋ ارقىلى ەسەپتەپ شىققان. ەگەر عالىمداردىڭ تۇجىرىمى راس بولسا، وندا چيليدەگى بۇل قاراعاي - الەمدەگى ەڭ قارت تىرشىلىك يەسى، ەڭ قارت اعاش بولماق.

ماسەلەن، بۇعان دەيىن ەڭ قارت اعاش دەپ سانالعان كاليفورنياداعى مافۋسايل قاراعايى 4853 جاستا.




ال زەرتتەۋشىلەر مىنا قاراعايعا گران-ابۋەلو («اتا-بابا») دەپ ات قويعان ەكەن. وسىدان 5 مىڭ جىل بۇرىن دۇنيەدەگى ادامزات ەندى جازۋ ويلاپ تاۋىپ، وركەنيەت يگەرە باستاعان كەز. اعاشتى ءومىر جاسى سول كەزدەن باستالادى.

قاراعاي تاۋدىڭ قالتارىس جىراسىندا ءوسىپ تۇر. ىلعالدى جەر. ءورت پەن نايزاعايدان امان قالۋىنا دا وسى اسەر ەتسە كەرەك.

عالىمدار ازىرشە اعاشتىڭ، ونىڭ ىشىندە قاراعاي تۇقىمداس اعاشتاردىڭ نەگە سونشا ۇزاق جاسايتىنىن تۇسىندىرەر دالەل تاپپاي وتىر.

ال ازىرشە الەمدەگى ەڭ قارت جانۋار 190 جاستاعى دجوناتان ەسىمدى تاسباقا.

massaget.kz


Keywords: الةم,
Up