Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

مەملەكەت باسشىسى حالىق ءارتىسى رۋبەن اندرياسياننىڭ قايتىس بولۋىنا بايلانىستى كوڭىل ايتتى

26 May 2022 10:06

نۇر-سۇلتان. قازاقپارات - مەملەكەت باسشىسى قازاقستاننىڭ حالىق ءارتىسى رۋبەن اندرياسياننىڭ قايتىس بولۋىنا بايلانىستى كوڭىل ايتتى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

قاسىم-جومارت توقايەۆ م. لەرمونتوۆ اتىنداعى ورىس ۇلتتىق دراما تەاترىنىڭ ۇجىمىنا قازاقستاننىڭ حالىق ءارتىسى، تەاتر رەجيسسەرى، پروفەسسور رۋبەن سۋرەنوۆيچ اندرياسياننىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى.

«بەلگىلى قويۋشى-رەجيسسەر جانە بىلىكتى پەداگوگ رۋبەن سۋرەنوۆيچ تەاتر ونەرىن دامىتۋعا ولشەۋسىز ۇلەس قوستى. ول شيرەك عاسىر بويى م. لەرمونتوۆ اتىنداعى دراما تەاتردى باسقارىپ، ەلىمىزدە جانە شەت ەلدەردە جۇزدەن استام قويىلىمداردى ساحنالادى. رۋبەن سۋرەنوۆيچ كىسىلىك كەلبەتى جوعارى جان ەدى. ءوزىنىڭ ومىرلىك جانە قىزمەتتىك ۇستانىمدارىن جاس ۇرپاقتىڭ بويىنا سىڭىرە ءبىلدى. رۋبەن سۋرەنوۆيچتىڭ ەسىمى جادىمىزدا ماڭگى ساقتالادى»، - دەلىنگەن جەدەلحاتتا.

Up