Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قازاق فيلم ۇجىمى اسانالى اشىموۆكە ات مىنگىزدى - فوتو

25 May 2022 22:40

نۇر-سۇلتان. قازاقپارات - «قازاق فيلم» كينوستۋديا ۇجىمى قازاقستاننىڭ حالىق ءارتىسى اسانالى ءاشىموۆتىڭ 85 جاسقا تولۋىنا وراي سالتاناتتى شارا وتكىزدى، دەپ حابارلايدى قازاقپارات كينوستۋديانىڭ باسپا ءسوز قىزمەتىنە سىلتەمە جاساپ.




جاقىندا عانا مەرەيتويىن اتاپ وتكەن دارىن يەسى ۇلتتىق كينەماتوگرافيانىڭ التىن قورىنا ەنگەن سۇلتان قوجىقوۆتىڭ «قىز جىبەك»، شاكەن ايمانوۆتىڭ «اتاماننىڭ اقىرى»، ءماجىت بەگاليننىڭ «تۇلپاردىڭ ءىزى»، حۋات احمەتوۆتىڭ «كا مىرزا، ءسىز كىمسىز؟» جانە باسقا دا كوپتەگەن فيلمدەردى جارىققا شىعارعان قازاق كينوسىنىڭ قارا شاڭىراعى - «قازاق فيلم» كينوستۋدياسىندا ءوزىنىڭ مەرەيتويىن ونەردەگى ارىپتەستەرى مەن جاقىندارىنىڭ ورتاسىندا اتاپ ءوتتى.




سالتاناتتى شارانى اشقان «قازاق فيلمنىڭ» پرەزيدەنتى اقان ساتايەۆ اسانالى ءاشىموۆتى 85 جاسقا تولۋىمەن قۇتتىقتاي وتىرىپ، قازاق كينوسىنىڭ اڭىزى اتانعان اكتەردىڭ ەلىمىزدىڭ مادەنيەتىنە قوسقان ەرەكشە ۇلەسى تۋرالى ايتتى.




كەش سوڭىندا قازاقتىڭ سالت-ءداستۇرى بويىنشا اسانالى اشىموۆكە قۇرمەت كورسەتىلىپ، اسىل تۇقىمدى تۇلپار تارتۋ ەتىلدى.




سونىمەن قاتار، مەرەيتوي يەسىنە رەجيسسەر رەتىندە تۇسىرگەن جانە ءوزى تۇسكەن كارتينالاردان قۇرالعان فيلمدەر جيىنتىعى سىيعا بەرىلدى.




ولاردىڭ قاتارىندا اسانالى ءاشىموۆتىڭ مەرەيتويىنا وراي تۇسىرگەن رەجيسسەر تولەگەن نۇقىتوۆتىڭ «ءومىرىم-ونەرىم» اتتى دەرەكتى فيلمى دە بار.











Keywords: مادةنيةت,
Up