Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

نۇر- سۇلتاندا دومبىرامەن كۇي ويناعان مىڭ وقۋشى گيننەستىڭ رەكوردتار كىتابىنا ەنۋى مۇمكىن - ۆيدەو

25 May 2022 19:05

نۇر-سۇلتان.قازاقپارات - ەلورداداعى زياتكەرلىك مەكتەپتە وتكەن دومبىرا ساباعى گيننەسس رەكوردتار كىتابىنا ەنۋى مۇمكىن.

بيىلعى وقۋ جىلى دومبىرا ساباعىمەن اياقتالىپ، وعان 1032 وقۋشى قاتىستى.

ەلورداداعى فيزيكا- ماتەماتيكا باعىتىنداعى زياتكەرلىك مەكتەپتە مىڭ وقۋشى بىردەن مۋزىكالىق اسپاپتا وينادى.

وقۋشىلاردىڭ ونەرى ۆيدەوعا ءتۇسىرىلىپ - وندا مەكتەپ وقۋشىلارىنىڭ بۇكىل سپورت زالدى تولتىرعانىن كورۋگە بولادى.

رەكورد «ەڭ اۋقىمدى دومبىرا ساباعى» اتاۋىمەن تىركەلدى. ساباقتى 25 تەن استام بايقاۋشى مەن 2 كۋاگەر قاداعالادى. ءاربىر 50 قاتىسۋشىنى ءبىر تاۋەلسىز بايقاۋشى باقىلاپ، بەينەجازباعا ءتۇسىردى. مەكتەپ ۇجىمى رەكورد جاساۋ ءۇشىن رەكوردتار كىتابىنىڭ بارلىق تالاپتارىن ساقتاعان. ال مۇنداي ءبىر مەكتەپتىڭ مىڭعا جۋىق وقۋشىسى ۇلتتىق اسپاپتا ءبىر مەزەتتە كۇي ورىنداۋى الەمدە تۇڭعىش وقيعا رەتىندە تىركەلىپ وتىر. گيننەسس رەكوردتار كىتابىنىڭ قورىتىندىسى ءبىر ايدان سوڭ بەلگىلى بولماق.

ەڭ اۋقىمدى دومبىرا ساباعىنا قوسىمشا ءبىلىم بەرۋ ءپانىنىڭ ءمۇعالىمى، قازاقستاننىڭ ەڭبەك سىڭىرگەن مادەنيەت قايراتكەرى ايتجان توقتاعان ديريجەر بولدى.

ايگىلى «سارىارقا»، «بالبىراۋىن»، «ەركەم- اي»، «كەڭحەس»، «جاستار ءبيى» كۇيلەرىن مىڭداعان شاكىرتتەر ورىندادى، دەپ مالىمدەدى مەكتەپ اكىمشىلىگى.

«گيننەستەر كىتابىنا حات جازدىق، ولار ءوتىنىشىمىزدى قابىلدادى. ساباق رەتىندە وتەسىز، جالپى ۇلتتتىق اسپاپپەن قاتىسقان 250 دەدى ەڭ كوبى، ءبىز بارلىق مەكتەپ وقۋشىلارى وينايدى دەدىك، بۇل دالەلدى دۇنيەلەردىڭ بارلىعىن جىبەرەمىز»، - دەيدى «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ باسقارما ءتورايىمى كۇلاش ءشامشيدينوۆا.

بارلىق زياتكەرلىك مەكتەپتەردە وقۋ جىلى 25-مامىر كۇنى دومبىرا ساباعىن وتكىزۋمەن اياقتالدى.


Stan.kz


Keywords: مادةنيةت,
Up