Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

ءماجىلىس سالىق سالاسىنداعى وزگەرىستەرگە قاتىستى قۇجاتتى ماقۇلدادى

25 May 2022 12:56

نۇر- سۇلتان. قازاقپارات - بۇگىن ءماجىلىستىڭ جالپى وتىرىسىندا «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسكە جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسىن قولدانىسقا ەنگىزۋ تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى، دەپ حابارلايدى قازاقپارات ءتىلشىسى.

«ءبىرىنشى مىندەت - تابيعي رەسۋرستاردى وندىرۋدەن تۇسەتىن كىرىستى كۇشەيتۋ. قاتتى پايدالى قازبالار باعاسىنىڭ ديناميكاسى تالداندى. ماسەلەن، 2018-2022 -جىلدار كەزەڭىندە بيرجالىق مەتالدار باعاسى 40 پايىزدان جوعارى ءوسىم كورسەتتى. بيرجادان تىس پايدالى قازبالار (تەمىر كەنى، حروم كەنى، مارگانەتس جانە ت. ب. ) ورتا ەسەپپەن % 20- دان % 40- عا دەيىن ءوستى. وسىنى ەسكەرە وتىرىپ، بيرجالىق مەتالدار بويىنشا پايدالى قازبالاردى ءوندىرۋ سالىعىنىڭ مولشەرلەمەلەرىن 50 پايىزعا، ال قالعان قاتتى پايدالى قازبالار بويىنشا % 30- عا ۇلعايتۋ ۇسىنىلادى»، - دەدى ۇلتتىق ەكونوميكا ءمينيسترى الىبەك قۋانتىروۆ.

ونىڭ ايتۋىنشا، سالىق جۇكتەمەسىن ۇلعايتۋمەن قاتار، گەولوگيالىق بارلاۋدى جانە جاڭا كەن ورىندارىن اشۋدى ىنتالاندىرۋ بويىنشا قادامدار ەسكەرىلگەن.

«حالىقارالىق تاجىريبەنى ەسكەرە وتىرىپ، رەنتابەلدىلىك دەڭگەيى 15 پايىزعا جەتكەنگە دەيىن، بارلاۋ جانە ءوندىرۋ 2023 -جىلعى 1 -قاڭتاردان كەيىن باستالاتىن جاڭا كەن ورىندارى بويىنشا پايدالى قازبالاردى ءوندىرۋ سالىعىنان بوساتۋ ۇسىنىلادى»، - دەدى مينيستر.

سونىمەن قاتار قۇجاتتا تسيفرلىق ماينينگكە سالىق جۇكتەمەسىن كۇشەيتۋ ەسكەرىلگەن.

«كەلەسى ۇسىنىلىپ وتىرعان وزگەرىس - سيفرلىق ماينينگكە سالىق سالۋدى كۇشەيتۋ. بيىلدىڭ باسىنان باستاپ تۇتىنىلعان ەلەكتر ەنەرگياسىنىڭ 1 كۆت- ساعاتىنا 1 تەڭگە مولشەرىندە سيفرلىق ماينينگ ءۇشىن تولەم ەنگىزىلدى. ەلەكتر ەنەرگياسىنىڭ قۇنى بويىنشا جۇكتەمەنى تەڭەستىرۋ، سونداي- اق وتاندىق ەلەكتر ەنەرگياسىنا قاتىستى سارالانعان مولشەرلەمەلەر ۇسىنىلادى. ەلەكتر ەنەرگياسىنىڭ قۇنى نەعۇرلىم تومەن بولسا، تولەم مولشەرلەمەسى سوعۇرلىم جوعارى بولادى. بۇل رەتتە، قايتا قالپىنا كەلەتىن كوزدەردەن ءوزى وندىرگەن ەلەكتر ەنەرگياسى ءۇشىن قولدانىستاعى دەڭگەيدە تومەندەتىلگەن مولشەرلەمەلەر قاراستىرىلعان»، - مينيستر.

ونىڭ سوزىنە قاراعاندا، ەۋرازيالىق ەكونوميكالىق وداق اياسىندا تەمەكى ونىمدەرىنە ارنالعان اكسيزدەردىڭ مولشەرلەمەلەرىن ۇيلەستىرۋ جونىندەگى مىندەتتەمەلەر قابىلداندى. 2024 -جىلى تەمەكىگە اكسيز كەمىندە 28 ەۆرو دەڭگەيىندە بەلگىلەنۋى ءتيىس. مىندەتتەمەلەردى ورىنداۋ ءۇشىن تەمەكىگە اكسيزدەردى كەزەڭ- كەزەڭىمەن كوتەرۋ ۇسىنىلادى. تەمەكى ونىمدەرىنىڭ باسقا تۇرلەرى بويىنشا، سونىڭ ىشىندە قىزدىرىلاتىن تەمەكىسى بار ونىمدەرگە اكتسيزدەردى كەزەڭ- كەزەڭىمەن ۇلعايتۋ ەسكەرىلگەن. مۇنىمەن قوسا، قاڭتار وقيعاسى كەزىندە زارداپ شەككەن كاسىپكەرلەرگە سالىق جەڭىلدىگى قاراستىرىلىپ وتىر.

«مەملەكەت باسشىسى قاڭتار ايىنداعى وقيعالار كەزىندە كەلتىرىلگەن زالالدى وتەۋ، بيزنەسكە جاردەم كورسەتۋ تۋرالى تاپسىرما بەردى. اتالعان جۇمىس بارىسىندا سالىق سالۋ ماسەلەلەرى بار. سوندىقتان الىنعان وتەماقى سوماسى بويىنشا كاسىپكەرلەرگە سالىق مىندەتتەمەسىن بولدىرماۋ ماقساتىندا وسى ماسەلەنى رەتتەۋ نورمالارى ۇسىنىلادى»، - دەدى ءا. قۋانتىروۆ.

بۇدان بولەك، ول ينتەرنەت سالاسىنداعى سالىق سالۋ جۇيەسىنە قاتىستى ۇسىنىستى ايتتى. «ينتەرنەتكە قولجەتىمدىلىكتى كەڭەيتۋ ءۇشىن جاڭا تەحنولوگيالار كوبىرەك قولدانىلىپ جاتار. سونىڭ ءبىرى - گەوستاتسيونارلىق ەمەس سپۋتنيكتىك بايلانىس جۇيەلەرى. سالىق كودەكسىندە وسىنداي بايلانىس ءتۇرى ءۇشىن 1-ايلىق ەسەپتىك كورسەتكىش مولشەرىندە تولەم بەلگىلەۋ ۇسىنىلادى»، - دەدى مينيستر. سالىق سالاسىنداعى اكىمشىلەندىرۋ اياسىندا قوسىلعان قۇن سالىعى بويىنشا، سونداي- اق مۇلىكتىك تابىس بويىنشا دەكلاراتسيالاردى تاپسىرۋ بولىگىندە ناقتىلاۋشى نورمالار ۇسىنىلعان.

اۆتور: رۋسلان عابباسوۆ


Up