Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

توقايەۆپەن كەلىسكەنىمە قۋانىشتىمىن - ەردوعان

24 May 2022 20:07

نۇر-سۇلتان. قازاقپارات - قازاقستان مەن تۇركيانىڭ قارىم-قاتىناسى كەڭەيتىلگەن ستراتەگيالىق سەرىكتەستىك دەڭگەيىنە كوتەرىلدى.

پرەزيدەنت رەجەپ تايىپ ەردوعان مينيسترلەر كابينەتىندە وتكەن وتىرىسىندا مەملەكەت باسشىسىنىڭ انكاراعا جاساعان مەملەكەتتىك ساپارىنا ايىرىقشا توقتالدى، دەپ حابارلايدى «حابار 24».

رەجەپ تايىپ ەردوعان، تۇركيا پرەزيدەنتى:

- ورتالىق ازيانىڭ قۋاتتى ءارى ءىرى مەملەكەتى قازاقستاننىڭ الەۋەتىن قالاي جۇزەگە اسىرۋعا بولاتىنىن قۇرمەتتى باۋىرىم توقايەۆپەن كەڭىنەن تالقىلادىق. كەلىسكەنىمىزگە قۋانىشتىمىن.

بۇدان بولەك، پرەزيدەنت ەردوعان لاڭكەستىك قاۋىپتەرگە قارسى تۇرۋ اياسىندا ەلدىڭ وڭتۇستىك شەكاراسىندا 30 شاقىرىم تەرەڭدىكتە قاۋىپسىزدىك ايماعىن قۇراتىنىن ايتتى.

سوزىنشە، بارلاۋ جانە قاۋىپسىزدىك كۇشتەرى ءتيىستى دايىندىق جۇمىستارىن اياقتاعان بويدا وپەراتسيا باستالادى.

تۇركيا پرەزيدەنتى، گرەكيا پرەمەر-ءمينيسترى كيري-اكوس ميتسوتاكيسپەن سويلەسۋدى توقتاتىپ، قوس ۇكىمەت اراسىندا ماڭىزدى كەزدەسۋدىڭ بولمايتىنىن مالىمدەدى.

بۇعان گرەك ۇكىمەت باسشىسىنىڭ ا ق ش سەناتىنداعى «تۇركياعا F-16» ۇشاعىن بەرمەۋ جايلى ۇسىنىسى تۇرتكى بولدى.

رەجەپ تايىپ ەردوعان، تۇركيا پرەزيدەنتى:

- بيىل ەكى ەل اراسىندا ستراتەگيالىق كەڭەس وتىرىسىن وتكىزەتىن ەدىك. بۇدان كەيىن مەن ءۇشىن ميتسوتاكيس جوق. بۇدان كەيىن ونىمەن مۇنداي كەلىسسوزدەر جۇرگىزبەيمىن. ويتكەنى ءبىز ادال، سوزىندە تۇراتىن نامىستى ساياساتكەرلەرمەن بىرگە جولعا شىعامىز. ميتسوتاكيس ءوزى ويلانسىن. كىممەن كەزدەسسە دە، كىممەن قانداي جانە قاي جەردە بازا قۇرعىسى كەلسە، قۇرسىن. ءبىز ءوزىمىزدىڭ قاجەتتىلىگىمىزدى قامتاماسىز ەتەمىز. «F-16» كەلەتىن بولساق، امەريكا ميتسوتاكيستىڭ سوزىنە قاراپ شەشىم قابىلدامايتىن شىعار.

Up