Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

رەفەرەندۋم كەزىندە ونلاين داۋىس بەرۋ قاراستىرىلماعان

24 May 2022 19:24

اقتوبە. قازاقپارات - رەفەرەندۋم كەزىندە ونلاين داۋىس بەرۋ تەتىگى قاراستىرىلماعان.

ءبىراق بۇل ماسەلە بويىنشا ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى الداعى ۋاقىتتا ورتالىق سايلاۋ كوميسسياسىنا ۇسىنىس جاساماق، دەپ حابارلايدى قازاقپارات ءتىلشىسى.

«رەفەرەندۋم 2-3 جىل بۇرىن جوسپارلانعان جوق. رەفەرەندۋمدى سيفرلىق تۇردە وتكىزۋ ءۇشىن تەحنولوگيا جالپى دايىن. ناقتىلاسام، جارتى نەمەسە 1 جىل ۋاقىت بەرسە، دايىنداۋعا بولادى. ءبىراق زاڭدىلىعىن، اقپاراتتىڭ قاۋىپسىزدىگىن دە ەسكەرۋىمىز كەرەك. داۋىس بەرۋ قالاي ءوتتى؟ «بازادا ءوزى وتىر ما، باسقا بىرەۋ داۋىس بەردى مە؟» دەگەن سۇراقتار تۋىندايدى. كەلەشەكتە قولعا الۋ ءۇشىن ورتالىق سايلاۋ كوميسسياسىنا ءبىز ۇسىنىس جاسايمىز، بىرگە تالقىلايمىز»، - دەدى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين اقتوبەلىكتەرمەن كەزدەسۋىندە.

ايتا كەتەيىك، قازاقستاندا كەلىسىم بازاسى جاسالدى. ەندى سونىڭ ارقاسىندا حالىققا قىزمەت كورسەتۋ ورتالىقتارى مەن بانكتەردىڭ وپەراتورلارىنا كليەنتتىڭ جەكە دەرەكتەرى س م س- كود ارقىلى راستاۋ جىبەرىلگەننەن كەيىن عانا قولجەتىمدى بولادى.

زاڭعا وزگەرىستەر ەنگىزىلگەننەن كەيىن ميكروقارجى ۇيىمدارى بيومەتريانى قولدانۋعا ماجبۇرلەنبەك.

Up