Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

جانىبەك ءالىمحان ۇلىنان نوكاۋتپەن جەڭىلگەن ديگنۋم كەزدەسۋ تۋرالى العاش رەت پىكىر ءبىلدىردى

24 May 2022 09:40

نۇر-سۇلتان. قازاقپارات - بريتانيالىق بوكسشى دەنني ديگنۋم وتانداسىمىز جانىبەك ءالىمحان ۇلىنان نوكاۋتپەن جەڭىلگەننەن كەيىن العاش رەت كەزدەسۋ تۋرالى پىكىر ءبىلدىردى.

«مەن ەڭ ۇزدىك بوكسشىدان ۇتىلدىم. باسىمدى تاۋەكەلگە تىككەنىمدى بىلەمىن، الايدا بۇنداي مۇمكىندىكتەن باس تارتا المادىم. مەنى قولداعانداردىڭ بارلىعىنا العىسىمدى بىلدىرگىم كەلەدى... دەمەۋشىلەرىمە كوپ راقمەت. ولارسىز بۇنداي دەڭگەيگە جەتە الماس ەدىم. جانىبەكتى قۇتتىقتايمىن، ول مىقتى قارسىلاس جانە ونىڭ بولاشاعى زور. ەندى ازداعان ءۇزىلىس الىپ، ۋاقىتىمدى وتباسىما ارنايمىن. سودان كەيىن شارشى الاڭعا قايتا ورالاتىن بولامىن»، - دەپ جازدى دەنني ديگنۋم ءوزىنىڭ Instagram پاراقشاسىندا.

ەسكە سالا كەتەيىك، كەشە، 22-مامىردا وتاندىق بىلعارى قولعاپ شەبەرى جانىبەك ءالىمحان ۇلى WBO تۇجىرىمى بويىنشا ورتا سالماقتاعى ۋاقىتشا الەم چەمپيونى اتاعى ءۇشىن بريتانيالىق دەنني ديگنۋممەن جۇدىرىقتاستى. ا ق ش-تىڭ لاس- ۆەگاس قالاسىندا وتكەن بوكس كەشىندە وتانداسىمىز قارسىلاسىن ەكىنشى راۋندتا سۇلاتىپ ءتۇسىردى.

Keywords: سپورت,
Up