Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

بەيجىڭ تۇرعىندارى كوۆيد قوناق ۇيلەرىنە ورنالاستىرىلا باستادى

22 May 2022 18:30

بەيجىڭ. قازاقپارات - بەيجىڭ قالاسىنىڭ 5 مىڭعا جۋىق تۇرعىنى 7 كۇنگە كوۆيد قوناق ۇيلەرىنە ورتالىقتاندىرىلعان كارانتينگە جاتقىزىلدى، دەپ حابارلايدى قازاقپارات ءتىلشىسى بەيجيڭ جيباو باسىلىمىنا سىلتەمە جاساپ.

باسىلىمنىڭ حابارلاۋىنشا، جۇمادان باستاپ چاويان مەگاپوليسىنىڭ نانسينيۋان كۆارتالىنىڭ تۇرعىندارى كوۆيد قوناق ۇيلەرىنە ورنالاستىرىلا باستادى. مۇنداي شەشىم ءبىر توقساندا سەگىز تۇرعىن ۇيدەن 26 COVID-19 وقيعاسى انىقتالعاننان كەيىن قابىلدانعان. جەرگىلىكتى بيلىك 5 مىڭعا جۋىق تۇرعىندى ورنالاستىرۋ ءۇشىن قىتاي استاناسىنداعى 57 قوناق ۇيدەن 4000-نان استام بولمە ءبولدى. تۇرعىندار كوۆيد قوناق ۇيلەرىنە اۋىستىرىلعاننان كەيىن كوروناۆيرۋس انىقتالعان پاتەرلەردە جوسپارلى دەزينفەكتسيا جۇرگىزىلەدى. وسى دەمالىس كۇندەرىنەن باستاپ حايديان اۋدانىنىڭ تۇرعىندارىنا ۇيدە جۇمىس ىستەۋگە كەڭەس بەرىلىپ، باسقا ءتورت اۋداندا (چاويان، فەنتاي، شۋني جانە فانشان) قاشىقتىقتان جۇمىس ىستەۋ رەجيمى 28 -مامىرعا دەيىن ۇزارتىلدى.

بۇعان دەيىن حابارلاعانىمىزداي، 22-ساۋىردەن باستاپ بەيجىڭدە كوروناۆيرۋستىڭ ورشۋىنە بايلانىستى شەكتەۋلەر ەنگىزىلە باستادى. ق ح ر استاناسىندا مادەني جانە ويىن- ساۋىق مەكەمەلەرىنىڭ، فيتنەس- زالداردىڭ جۇمىسى توقتاتىلدى، مادەني- بۇقارالىق ءىس- شارالار وتكىزۋگە تىيىم سالىندى. مەيرامحانالار مەن تاماقتانۋ ورىندارى تەك جەتكىزۋ جانە الىپ كەتۋ قىزمەتتەرى ارقىلى جۇمىس ىستەيدى. مۋنيتسيپالدى بيلىك بەيجىڭ مەتروسىنىڭ 100 دەن استام ستانتسياسىنىڭ جۇمىسىن توقتاتتى.

ءبىرقاتار اۋداندارىندا قوعامدىق كولىك (جولاۋشىلار اۆتوبۋستارى) جانە تاكسي قىزمەتى شەكتەلدى. ءساۋىر ايىنىڭ سوڭىنان باستاپ بەيجىڭ تۇرعىندارى كۇن سايىن پ ت ر- تەستىلەۋدەن ءوتىپ ءجۇر. پ ت ر تەستىنىڭ ينفەكتسيادان تازا شىققانىن كورسەتەتىن ناتيجەسىنسىز 48 ساعات ىشىندە قوعامدىق ورىندارعا، سۋپەرماركەتتەرگە، ەمحانالارعا كىرۋگە تىيىم سالىنادى.

Keywords: الةم,
Up