Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

كونستيتۋتسيادا جەرگە قاتىستى جاڭا تۇجىرىم كەيىن زاڭدى اركەلكى تاپسىرلەۋگە جول بەرمەيدى - دەپۋتات

19 May 2022 21:02

نۇر- سۇلتان. قازاقپارات - كونستيتۋتسيانىڭ رەسپۋبليكالىق رەفەرەندۋمعا شىعارىلاتىن جەرگە قاتىستى جاڭا تۇجىرىمى كەيىن زاڭدى اركەلكى تاپسىرلەۋگە جول بەرمەيدى.

ق ر ءماجىلىس دەپۋتاتى عالىمجان ەلەۋوۆ وسىنداي پكىرى ءبىلدىردى، دەپ حابارلايدى قازاقپارات ءتىلشىسى.

«كونستيتۋتسياداعى جەرگە جانە جەر قويناۋىنا قاتىستى مەنشىك ماسەلەسى تۋرالى باپتىڭ تۇجىرىمى كەلەشەكتە اركەلكى تاپسىرلەۋ ىقتيمالدىعىن جويادى. جەر - ءبىزدىڭ ۇلتتىق بىرەگەيلىگىمىزدىڭ نەگىزى بولۋعا ءتيىس. سوندىقتان پرەزيدەنت بۇل ماسەلەگە نۇكتە قويۋدى ءجون كورىپ وتىر. بۇل - قالىپتى پروتسەسس. مەملەكەت جەر قويناۋىنىڭ ءتيىمدى ءبولىنىپ، ءتيىمدى يگەرىلۋىن باقىلايدى. جەر مەن جەر قويناۋىن مەملەكەتتىڭ باسقارۋى قازاقستان حالقىنا الەۋمەتتىك جاردەماقى، تۇرعىن ءۇي باعدارلاماسى، ينفراقۇرىلىمدى دامىتۋ، جۇمىسپەن قامتۋ باعدارلامالارى سياقتى يگىلىكتەر اكەلەدى»، - دەيدى دەپۋتات.

ونىڭ ايتۋىنشا، كونستيتۋتسيالىق رەفورما اياسىندا ۇسىنىلىپ وتىرعان تەجەمەلىك ءارى تەپە- تەڭدىك جۇيە پرەزيدەنتتىڭ وكىلەتتىگىن السىرەتۋ ارقىلى پارلامەنتتىڭ وكىلەتتىگىن كۇشەيتەدى.

«زاڭ قابىلداۋدىڭ جاڭا ءراسىمى ەنگىزىلەدى. زاڭدى پارلامەنت ءماجىلىسى قابىلدايدى، ال ونى ىسكە اسىراتىن دەپۋتاتتار ساياسي باسەكە نەگىزىندە سايلانادى. ماجىلىستەگى قازاقستان حالقى اسسامبلەياسىنىڭ كۆوتاسى جويىلادى. كونستيتۋتسيالىق زاڭدار پارلامەنت پالاتالارىنىڭ بىرلەسكەن وتىرىسىندا قابىلدانادى»، - دەدى عالىمجان ەلەۋوۆ.

سونداي- اق، ول رەفەرەندۋمدا كونستيتۋتسياعا ەنگىزىلەتىن وزگەرىستەر مەن تۇزەتۋلەر حالىق تاراپىنان قولداۋ تاپسا، ءماجىلىستىڭ باقىلاۋ فۋنكتسيالارى كۇشەيتىلەتىنىن ايتادى.

«كونستيتۋتسيالىق سوت شەشىم قابىلداعان كۇننەن باستاپ نەمەسە ول بەلگىلەگەن كۇننەن باستاپ كونستيتۋتسيالىق ەمەس دەپ تانىلعان اكتىلەردىڭ كۇشى جويىلادى جانە قولدانىلۋعا جاتپايدى. كونستيتۋتسيالىق سوتتىڭ مۇنداي مودەلى كوپتەگەن دامىعان ەلدەردە بار جانە زاڭنىڭ ۇستەمدىگىن ورناتۋعا مۇمكىندىك بەرەدى. سونىمەن قاتار، كونستيتۋتسيالىق سوتقا جۇگىنۋ قۇقىعىن باس پروكۋرور مەن ادام قۇقىقتارى جونىندەگى ۋاكىل الادى. كونستيتۋتسيالىق سوتتىڭ ءوزى 11 سۋديادان تۇرادى. ونىڭ ىشىندە پرەزيدەنت سەناتتىڭ كەلىسىمىمەن تاعايىندايتىن ءتوراعا بولادى. ءتورت سۋديانى پرەزيدەنت تاعايىندايدى، التى سۋديانى پارلامەنت، ءار پالاتا ءۇش- ۇشتەن تاعايىندايدى»، - دەدى ءماجىلىس وكىلى.

بۇعان دەيىن تاعى ءبىر ءماجىلىس دەپۋتاتى عاني تاشقارايەۆ رەفەرەندۋم سەناتتىڭ ىقپالىن ازايتىپ، ءماجىلىستىڭ ءرولىن ارتتىرادى دەۋ قاتە دەگەن پايىم ايتقان بولاتىن.

اۆتور: ەسىمجان ناقتىباي

Up