Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

توقايەۆ باس پروكۋراتۋراعا الاياقتارمەن كۇرەستى كۇشەيتۋدى تاپسىردى

19 May 2022 18:28

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ باس پروكۋراتۋراعا الاياقتارمەن كۇرەستى كۇشەيتۋدى تاپسىردى، دەپ حابارلايدى قازاقپارات ءتىلشىسى.

«قازىر قۇقىق قورعاۋ ورگاندارىنىڭ جۇمىسىنا بايلانىستى سىني پىكىر كوپ ەكەنىن بىلەمىن. ءتارتىپ ورناتۋ كەزىندە ۇيرەنشىكتى تاسىلگە سالۋ سالدارىنان پاراساتتى بيزنەسكە كەسىرى تيەتىن كەزدەر بولۋى مۇمكىن. سوندىقتان اشىق تۇردە مالىمدەيمىن: «تاۋدان سەل جۇرسە، ەتەكتەگى تاستى الا كەتەدى» دەگەن تامسىلگە سالۋعا جول جوق»، - دەدى مەملەكەت باسشىسى كاسىپكەرلەرمەن كەزدەسۋدە.

ونىڭ ايتۋىنشا، وسىنداي فاكتىلەر بولسا، ءار ءىس بويىنشا ارنايى تەكسەرۋ شارالارى جۇرەدى، بىلىكتى باعا بەرىلەدى.

«2019-جىلى ءوز جولداۋىمدا بيزنەستىڭ جۇمىسىنا زاڭسىز كەدەرگى كەلتىرۋ - مەملەكەت مۇددەسىنە قايشى قىلمىس رەتىندە قارالۋى كەرەكتىگىن ايتقانمىن. بۇل - باس پروكۋراتۋرانىڭ جۇمىسى. كۇرەس الاياقتارمەن ءجۇرۋى كەرەك. قايتالاپ ايتامىن، الاياقتارمەن، افەريستەرمەن كۇرەسۋ كەرەك. ءبىراق «ءدارى دەپ بەرگەنى ۋدان بەتەر بولۋىنا» جول بەرۋگە بولمايدى»، - دەدى پرەزيدەنت.

ايتا كەتەيىك، اقوردادا قاسىم-جومارت توقايەۆ وتاندىق بيزنەس وكىلدەرىمەن كەزدەسىپ جاتىر.

Up