Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

ۇلى جىبەك جولىنداعى ترانسشەكارالىق باعدار - الەۋەتتى باعىتتىڭ ءبىرى - داۋرەن ابايەۆ

19 May 2022 18:08

تاشكەنت. قازاقپارات - ۇلى جىبەك جولىنىڭ ترانسشەكارالىق تۋريستىك باعدارىن ىلگەرىلەتۋ - ىنتىماقتاستىقتاعى الەۋەتتى باعىتتاردىڭ ءبىرى.

بۇل تۋرالى تاشكەنتتە وتكەن ش ى ۇ- عا مۇشە مەملەكەتتەردىڭ تۋريستىك اكىمشىلىكتەرى باسشىلارىنىڭ كەزدەسۋىندە ق ر مادەنيەت جانە سپورت ءمينيسترى داۋرەن ابايەۆ مالىمدەدى، دەپ حابارلايدى قازاقپارات مەنشىكتى ءتىلشىسى.

«ۇلى جىبەك جولىنىڭ تۋريستىك باعدارىن ىلگەرىلەتۋ - الەۋەتتى باعىتتاردىڭ ءبىرى. اقتاۋداعى تەڭىز-ساۋدا پورتى جاعاجايلارىمەن، قوناق ۇيلەرى، ينفراقۇرىلىمى، قولايلى كليماتى جانە ماڭايىنداعى عاجايىپ مادەني ەسكەرتكىشتەرىمەن شىۇ ەلدەرى ءۇشىن تولىققاندى دەمالىس ورتالىعىنا اينالا الادى»، - دەپ اتاپ ءوتتى داۋرەن ابايەۆ وزبەكستان استاناسىندا وتكەن «ش ى ۇ ەلدەرى ىنتىماقتاستىعىنىڭ جاڭا كەزەڭى: تۋريزم جانە مادەني مۇرا» حالىقارالىق فورۋمىندا.

مينيستر تابيعاتىنىڭ الۋان تۇرلىلىگى مەن گەوگرافيالىق ورنالاسۋىنا بايلانىستى قازاقستان ترانسشەكارالىق تۋريزمنىڭ بىرنەشە نۇسقاسىن ۇسىنا الاتىنىن اتاپ ءوتتى.




ماسەلەن، تيان-شان مەن التاي تاۋلارىندا تاۋ تۋريزمىن، ال كاسپي تەڭىزىندە كرۋيز، سونداي-اق ۇلى جىبەك جولى بولىگىندە تاريحي ساياحات تۇرلەرىن ۇيىمداستىرۋعا مۇمكىندىك بار.

«بۇعان دەيىن جىل سايىن 7 ميلليونعا جۋىق قازاقستاندىق ش ى ۇ ەلدەرىنە بارسا، ۇيىمعا قاتىسۋشى مەملەكەتتەردىڭ شامامەن 8 ميلليونداي ازاماتى قازاقستانعا كەلەتىن. 2021-جىلى بۇل كورسەتكىش 3 ميلليونعا دا جەتكەن جوق»، - دەدى تۋريزمنىڭ پاندەميا كەزىندە ايتارلىقتاي زارداپ شەككەنىنە توقتالىپ وتكەن مينيستر.

ۆەدومستۆو باسشىسى قازاقستان شەكاراسىنداعى كارانتيندىك شەكتەۋلەر كەزەڭ-كەزەڭىمەن الىنىپ جاتقانىن ءمالىم ەتتى.

جاياۋ جۇرەتىن باعىتتار، اۆتوبۋس، تەمىرجول جانە اۋە قاتىناسى قالپىنا كەلتىرىلە باستاعانىن ايتتى.

سونداي-اق، سالانىڭ داعدارىستان تەزىرەك شىعۋى ءۇشىن قازاقستاندا قابىلدانىپ جاتقان مەملەكەتتىك قولداۋ شارالارىنان حاباردار ەتتى.

«ۇكىمەت تاۋ-شاڭعى كۋرورتتارىنا ارنالعان جابدىقتاردى جانە تۋراۆتوبۋستاردى ساتىپ الۋعا %25 عا دەيىن، تۋريستىك وبەكتىلەر مەن جول بويىنداعى سەرۆيس وبەكتىلەرى وكىلدەرىنە %10 عا دەيىن وتەماقى تولەيدى. سونىمەن بىرگە، سانيتارلىق-گيگيەنالىق نۇكتەلەر مەن بالالاردىڭ اۆيابيلەتتەرى سۋبسيديالانادى»، - دەدى داۋرەن ابايەۆ.




ايتا كەتەيىك، فورۋمعا ش ى ۇ- عا مۇشە - ينديا، قازاقستان، قىتاي، قىرعىزستان، پاكىستان، رەسەي، تاجىكستان، وزبەكستان مەملەكەتتەرى تۋريستىك اكىمشىلىكتەرىنىڭ باسشىلارى، سونداي-اق تۋريزم سالاسىن دامىتۋ مەن مادەني مۇرالاردى ساقتاۋ جونىندەگى حالىقارالىق ساراپشىلار قاتىستى.

كەزدەسۋ قورىتىندىسىندا «شانحاي ىنتىماقتاستىعى ۇيىمىنا مۇشە مەملەكەتتەردىڭ ۇكىمەتتەرى اراسىنداعى تۋريزم سالاسىن دامىتۋ تۋرالى ارىپتەستىك كەلىسىمى» ماقۇلداندى.

Up