Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

ليفتىدە ايەلىن سوققىعا جىققان استانالىق ەر ادامعا قاتىستى قىلمىستىق ءىس قوزعالدى

19 May 2022 13:23

نۇر-سۇلتان. قازاقپارات - نۇر-سۇلتان قالاسىندا ليفت ىشىندە ايەلدى سوققىعا جىققان ەر ادامعا قاتىستى قىلمىستىق ءىس قوزعالىپ، تەرگەۋ امالدارى ءجۇرىپ جاتىر، دەپ حابارلايدى قازاقپارات ءتىلشىسى قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

«وتىنىشكە سايكەس نۇر-سۇلتان قالاسى پوليتسيا دەپارتامەنتى «ەسىل» اۋدانىنىڭ پوليتسيا باسقارماسى ق ك-نىڭ 107-بابى (دەنساۋلىققا قاساقانا اۋىرلىعى ورتاشا زيان كەلتىرۋ) بويىنشا قىلمىستىق ءىستى تىركەدى. جۇرگىزىلگەن سوت- مەديتسينالىق ساراپتاماعا سايكەس، جابىرلەنۋشىنىڭ دەنساۋلىعىنا ورتاشا اۋىرلىقتاعى زيان كەلتىرىلگەن»، - دەلىنگەن حابارلامادا. كەلىپ تۇسكەن اقپاراتقا سايكەس، بۇگىندە تەرگەۋ امالدارى ءجۇرىپ جاتىر.

«كۇدىكتىگە قاتىستى «ەشقايدا كەتپەۋ جانە ءوز ارەكەتىنە جاۋاپ بەرۋ تۋرالى قولحات» تۇرىندە بۇلتارتپاۋ شاراسى قولدانىلدى. وزگە اقپارات تەرگەۋ مۇددەسىنە ساي جاريا ەتۋگە جاتپايدى»، - دەيدى اتالعان ۆەدومستۆودان.

ايتا كەتسەك، الەۋمەتتىك جەلىدە ليفتىدە بەلگىسىز بىرەۋدىڭ قىز بالانى تەۋىپ، ۇرىپ جاتقان ۆيدەوسى تاراعان ەدى.

ەسكە سالا كەتسەك، بۇعان دەيىن ىشكى ىستەر مينيسترلىگى تۇرمىستىق زورلىق-زومبىلىق كوبىنەسە وتباسىلىق جانجالدان تۋىندايتىنىن حابارلاعان ەدى.



Keywords: قوعام,
Up