Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قاسىم-جومارت توقايەۆ رەسمي ساپارمەن قىرعىزستانعا بارادى

18 May 2022 17:35

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ قىرعىزستان پرەزيدەنتى سادىر جاپاروۆپەن تەلەفون ارقىلى سويلەستى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

قىرعىزستان پرەزيدەنتى مەملەكەت باسشىسى قاسىم-جومارت توقايەۆتى تۋعان كۇنىمەن قۇتتىقتاپ، وعان زور دەنساۋلىق جانە قازاقستان حالقىنىڭ يگىلىگى جولىنداعى اسا جاۋاپتى مەملەكەتتىك قىزمەتىنە تابىس تىلەدى.

اڭگىمەلەسۋ بارىسىندا قازاق-قىرعىز ستراتەگيالىق سەرىكتەستىگىنىڭ دامۋ پەرسپەكتيۆالارى تالقىلاندى.

وسى رەتتە قازاقستان پرەزيدەنتىنىڭ قىرعىزستانعا جوسپارلانعان رەسمي ساپارىنا ەرەكشە نازار اۋدارىلدى.

پرەزيدەنتتەر الداعى ۋاقىتتا وتەتىن جوعارى دەڭگەيدەگى كەلىسسوزدىڭ ەكىجاقتى ىنتىماقتاستىقتى نىعايتۋعا تىڭ سەرپىن بەرەتىنىنە سەنىم ءبىلدىردى.


Up