Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

پرەزيدەنتكە الماتىداعى نوسەر جاۋىنعا ارنالعان كارىز جۇيەسىن جاڭعىرتۋ باعدارلاماسى تانىستىرىلدى

18 May 2022 17:21

نۇر-سۇلتان. قازاقپارات - مەملەكەت باسشىسىنىڭ قابىلداۋىندا بولعان الماتى قالاسىنىڭ اكىمى ەربولات دوسايەۆ پرەزيدەنتكە الماتىداعى نوسەر جاۋىنعا ارنالعان كارىز جۇيەسىن جاڭعىرتۋ باعدارلاماسىن تانىستىردى، دەپ حابارلايدى قازاقپارات اقورداعا سىلتەمە جاساپ.

ەربولات دوسايەۆ مەملەكەت باسشىسىنا الماتىداعى نوسەر جاۋىنعا ارنالعان كارىز جۇيەسىن جاڭعىرتۋدىڭ 2025-جىلعا دەيىنگى باعدارلاماسىنىڭ نەگىزگى ەرەجەلەرى تۋرالى باياندادى.

پرەزيدەنتتىڭ قالادا قۇرىلىستىڭ تىعىز بولۋىنا جول بەرمەۋ جانە الەۋمەتتىك ينفراقۇرىلىمدى دامىتۋ جونىندە بەرگەن تاپسىرماسىنىڭ ورىندالۋ بارىسى تۋرالى دا ايتىلدى.

سونىمەن قاتار، پرەزيدەنتكە الماتىنىڭ 2030-جىلعا دەيىنگى دامۋىنىڭ نەگىزگى باعىتتارىن ايقىندايتىن باسىمدىقتار ۇسىنىلدى.

الەۋمەتتىك ماڭىزى بار ازىق- تۇلىك تاۋارلارىنىڭ باعاسىن تۇراقتاندىرۋ شارالارى تۋرالى مالىمەت بەرىلدى.

اتاپ ايتقاندا، ماۋسىم ارالىعىندا ەرتە پىسەتىن كوكونىستەر جەتكىزىلمەك جانە تۇراقتاندىرۋ قورى 11 دەن 15 ميلليارد تەڭگەگە دەيىن كوبەيگەن.

مەملەكەت باسشىسىنا قاڭتار وقيعاسىنان زارداپ شەككەن شاعىن جانە ورتا بيزنەس سۋبەكتىلەرىنىڭ شىعىنىن وتەۋ جونىندە بەرگەن تاپسىرمالارىنىڭ ورىندالۋ بارىسى باياندالدى.

بۇگىنگە دەيىن قۇنى 13,9 ميلليارد تەڭگە بولاتىن 1556 ءوتىنىش ماقۇلدانعان. زارداپ شەككەن شوب سۋبەكتىلەرىنىڭ 97 پايىزى قاڭتار وقيعاسىنان كەيىن جۇمىسىنا قايتا كىرىسكەن.

سونداي-اق، الماتى قالاسىنىڭ بيىلعى قاڭتار-ءساۋىر ايلارىنداعى ەكونوميكالىق جاعدايى تۋرالى ەسەپ بەرىلدى.

وسى كەزەڭدە قىسقا مەرزىمدى ەكونوميكالىق ينديكاتور 107,6 پايىزعا دەيىن كوتەرىلدى.

نەگىزگى كاپيتالعا سالىنعان ينۆەستيتسيانىڭ ءوسىمى 21,3 پايىزعا جەتكەن.

قاڭتار وقيعاسىنان كەيىنگى قالا ەكونوميكاسىنىڭ ءوسۋ قارقىنى ەكىنشى جارتىجىلدىقتىڭ باسىندا تولىق قالپىنا كەلەدى دەپ بولجانىپ وتىر.

كەزدەسۋ سوڭىندا قاسىم-جومارت توقايەۆ ءبىرقاتار ناقتى تاپسىرما بەردى.


Up