Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

بيىل جازدا قازاقستاندا اۋا رايى قانداي بولادى

17 May 2022 22:55

نۇر-سۇلتان. قازاقپارات - الداعى جازدا اۋا رايى قۇبىلمالى بولادى. قازاقستاندىقتاردى نوسەر جاڭبىرلى، نايزاعايلى جانە جەلدى، سونداي-اق اشىق كۇندەر كۇتىپ تۇر، دەپ حابارلايدى قازاقپارات قازگيدرومەتكە سىلتەمە جاساپ.

جازعى كونسۋلتاتيۆتىك ماۋسىمدىق بولجامعا سايكەس، جازدىڭ العاشقى ەكى ايىندا رەسپۋبليكانىڭ باتىس جارتىسىندا اۋا تەمپەراتۋراسى نورمادان جوعارى، ال ەلدىڭ شىعىس جارتىسىندا - نورماعا جاقىن بولادى دەپ بولجانىپ وتىر. تامىز ايى سالقىن بولادى. قازاقستاننىڭ كوپتەگەن وبلىستارىندا تەمپەراتۋرالىق فون كليمات نورماسى شەگىندە بولماق.

تەك قازاقستاننىڭ شەتكى سولتۇستىگىندە عانا نورمادان جوعارى بولادى دەگەن بولجام بار.

ماۋسىم ايىندا قازاقستاننىڭ باسىم بولىگىندە جاۋىن-شاشىن نورمادان از بولادى.

رەسپۋبليكانىڭ سولتۇستىك-شىعىس جارتىسىندا، ەلدىڭ وڭتۇستىگى مەن وڭتۇستىك-شىعىسىنىڭ تاۋلى جانە تاۋ بوكتەرىندەگى اۋداندارىندا جاڭبىر جاۋۋى ىقتيمال.

شىلدە مەن تامىز ايلارىندا كەرىسىنشە، ەلدىڭ كوپ بولىگىندە جاۋىن-شاشىن بولادى - كليماتتىق نورماعا جاقىن.

Keywords: ايماق, اۋارايى,
Up