Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

كوروناۆيرۋس قىتاي ەكونوميكاسىنا تۇساۋ سالدى

17 May 2022 09:56

نۇر-سۇلتان. قازاقپارات - قىتايدا دا كوروناۆيرۋس جۇقتىرعاندار كوبەيىپ بارادى. سوندىقتان شەكتەۋلەر ءالى كۇشىندە، دەپ حابارلايدى «حابار 24».

تەك سوڭعى 2 اپتادا ەشكىم كوۆيد جۇقتىرماعان شاڭحاي قالاسىندا 1-ماۋسىمعا دەيىن بىرتىندەپ الىنۋى مۇمكىن. 26 ميلليون تۇرعىنى الىپ شاھار ساۋىردەن بەرى تولىق وقشاۋلانعان بولاتىن. لوكداۋن كەزىندە زاۋىت-فابريكالاردىڭ جۇمىسى ءبىرجولا توقتاپ، بيزنەس تۇرالاپ قالدى. قازىر ەل سونىڭ زاردابىن تارتىپ جاتىر. بيلىك ساۋىردە ەكونوميكا كەرى كەتكەنىن حابارلادى.

قىتاي بويىنشا ءوندىرىس ءوسىمى 2,9، ال ساۋدا- ساتتىق 11 پروتسەنتكە تومەندەگەن. سونداي-اق تاماق ونەركاسىبىنىڭ كىرىسى 23 پروتسەنتكە كەمىگەن. بۇدان باسقا، وتكەن ايدا 31 ءىرى قالادا جۇمىسسىزدىق دەڭگەيى 6,7 پروتسەنتكە جەتكەن. ساراپشىلاردىڭ مالىمدەۋىنشە، بۇل 2018 -جىلدان بەرى تىركەلگەن ەڭ جوعارى كورسەتكىش.

«ەپيدەميانىڭ ەكونوميكاعا كەرى اسەرى ءساۋىر ايىندا انىق ءبىلىنىپ جاتىر. ءبىراق بۇل ۋاقىتشا قۇبىلىس. ءتۇرلى ءىس- شارالار ارقىلى ەكونوميكانىڭ تۇراقتىلىعىن قالپىنا كەلتىپىە، تەز ارادا ساۋىقتىرىپ، قارقىنىن كۇشەيتۋگە بارىمىزدى سالامىز»،- قىتاي ستاتيستيكا بيۋروسىنىڭ رەسمي وكىلى فۋ لينگۋي.

بەيجىڭدەگى شەكتەۋلەردىڭ اسەرىن كوشەدەن-اق بايقاۋعا بولادى. اشەيىندە قاپتاپ جۇرەتىن ادام قاراسى ازايعان. بۇل قالادا سوڭعى ءبىر كۇندە 55 ناۋقاس انىقتالدى.

Keywords: الةم,
Up