Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قىتاي عالىمدارى مارستا سۋ بولعانىن انىقتادى

16 May 2022 18:14

نۇر-سۇلتان. قازاقپارات – قىتاي عىلىم اكادەمياسىنىڭ عالىمدارى كوپەنگاگەن ۋنيۆەرسيتەتىنىڭ ماماندارىمەن بىرىگىپ زەرتتەۋ جۇرگىزىپ، مارستا سۋ بولعانىن انىقتادى.




Қытай ғалымдары Марста су болғанын анықтады

ناقتىراق ايتساق، سۋدىڭ جاقىندا عانا جوعالىپ كەتكەنىن انىقتاعان.

زەرتتەۋ Science Advances جۋرنالىندا جاريالاندى.

جالپى عالىمداردىڭ كوبى مارستا سۋ بولعان دەگەنگە كەلىسەدى. ءبىراق بۇرىندا، باياعىدا بولعان دەپ ويلاپ جۇرگەن. ال قىتاي مەن دات عالىمدارىنىڭ بۇل زەرتتەۋى سۋدىڭ باياعىدا ەمەس، كەشە كۇنگە دەيىن بولعانىن دالەلدەپ وتىر.

قىتاي ەلى 2021-جىلى العاش رەت مارسقا Zhurong اتتى روۆەر جىبەرگەن ەدى. ەسەكقىرعانعا كەتكەن بۇل اپپارات عالىمدارعا سۋرەت پەن تالداۋ جىبەرىپ جاتىر قازىر.

مارستان تابىلعان مۇزدىق پەن تاۋ جىنىستارىن جەردەگى تاستارمەن سالىستىرعان عالىمدار كورشى عالامشاردان كەلگەن مينەرالداردىڭ قۇرامىندا سۋدىڭ بارىن، بۇرىندا گيدراتير مينەرال بولعانىن انىقتاعان.

«مۇنداي مينەرالداردىڭ تابىلعانى - مارستا 3 ميلليارد جىل بۇرىن سۋ بولعانىنىڭ دالەلى. ياعني، ەسەكقىرعاندى تۇگەلدەي سۋ الىپ جاتقان»، - دەيدى زەرتتەۋشىلەر.

عالىمداردىڭ ويىنشا، مارستا جەراستى سۋى دا بار بولۋى مۇمكىن. بۇل مينەرالدار سونىڭ دا دالەلى. ءبىراق ازىرشە ونى دالەلدەر ناقتى فاكت تابىلمادى.

massaget.kz

Keywords: الةم,
Up