Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قازاقستاندا جارتى ميلليوننان استام ادام اتاۋلى الەۋمەتتىك كومەكپەن كۇن كورىپ وتىر

16 May 2022 16:28

نۇر-سۇلتان. قازاقپارات – 1- مامىرداعى جاعداي بويىنشا 111,4 مىڭ وتباسىنداعى 571,1 مىڭ ادامعا اتاۋلى الەۋمەتتىك كومەك تاعايىندالدى.

بيىل بۇل ماقساتقا بيۋجەتتەن 84,7 ميلليارد تەڭگە ءبولىندى، دەپ حابارلايدى قازاقپارات.

ا ا ك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ %70 ىنان تومەن ازاماتتارعا تاعايىندالادى.

بۇدان باسقا، ا ا ك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن قامتاماسىز ەتۋ جۇمىسى جۇرگىزىلىپ جاتىر.

2022-جىلعى 1- مامىردا ا ا ك الۋشىلار قاتارىنداعى 1 جاستان 6 جاسقا دەيىنگى 144,6 مىڭ بالاعا ازىق-تۇلىك جانە تۇرمىستىق حيميا جيىنتىعى تۇرىندە الەۋمەتتىك توپتاما تاعايىندالدى.

ەستەرىڭىزگە سالا كەتەيىك، بيىل قاڭتار ايىنداعى ت ج رەجيمىنە بايلانىستى 2021-جىلدىڭ 4- توقسانىندا ا ا ك العان ازاماتتارعا جاردەماقى 2022-جىلدىڭ 1- توقسانىنا اۆتوماتتى تۇردە ۇزارتىلدى.

بۇل رەتتە جاڭا الۋشىلارعا ەلەكتروندى ۇكىمەت پورتالى ارقىلى اتاۋلى الەۋمەتتىك كومەك تاعايىنداۋعا ءوتىنىش بەرۋ مۇمكىندىگى بەرىلدى.

قازىرگى ۋاقىتتا قازاقستاندىقتار ا ا ك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، سونداي-اق egov.kz ەلەكتروندى ۇكىمەت پورتالى ارقىلى بەرە الادى.

Up